મોરબીમાં કારખાનાના બિલ માટે જનરલ મેનેજરને મારી નાખવાની ધમકી !: યુવાને ભર્યું અજુગતું પગલુ
SHARE
JOIN OUR GROUP
મોરબીમાં કારખાનાના બિલ માટે જનરલ મેનેજરને મારી નાખવાની ધમકી !: યુવાને ભર્યું અજુગતું પગલુ
મોરબી નજીકના નવા જાંબુડીયા ગામ પાસે આવેલ કારખાનામાં જનરલ મેનેજર તરીકે કામ કરતા યુવાને કારખાનામાં ૭૦ હજાર રૂપિયાની કિંમતના બે બેલ્ટ મંગાવ્યા હતા અને તે બેલ્ટના રૂપિયા કારખાનેદારે ન ચૂકવતા માલ મોકલાવનાર શખ્સે અવારનવાર મેનેજર પાસે રૂપિયાની ઉઘરાણી કરી હતી અને ફોન ઉપર ગાળો આપીને જાનથી મારી નાખવાની ધમકી આપી હતી જેથી યુવાન પોતાના ઘરે હતો ત્યારે ડાબા હાથ ઉપર બ્લેડ વડે છેકા મારી લીધા હતા જેથી તેને સારવારમાં ખસેડવામાં આવ્યો હતો અને સારવાર લીધા બાદ તેણે કારખાનામાં બેલ્ટ મોકલાવનાર શખ્સની સામે મોરબી બી ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોધી આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી પ્રમાણે મોરબી શહેરના સામાકાંઠા વિસ્તારમાં આવેલ પાવન પાર્ક સોસાયટી શેરી નં-૧ માં રહેતા અને નવા જાંબુડીયા ગામ પાસે આવેલ ગોકુલ મિનરલ્સ પ્લાન્ટમાં જનરલ મેનેજર તરીકે નોકરી કરતા ભાવેશભાઈ પ્રેમજીભાઈ ગોહેલ જાતે ખવાસ રજપૂત (૪૨)એ પોતાના ડાબા હાથ ઉપર બ્લેડ વડે ચેકા મારી લીધા હતા જેથી કરીને તેને સારવાર માટે હોસ્પિટલ લઈ ગયા હતા અને ત્યાં તેને સારવાર લીધા બાદ હાલમાં બી ડિવિઝન પોલીસ સ્ટેશન ખાતે ભાવેશભાઈ ગોહેલે મયુર મુંધવા રહે. મોરબી વાળાની સામે ફરિયાદ નોંધાવી છે જેમાં તેને જણાવ્યૂ છે કે, નવા જાંબુડીયા ગામ પાસે આવેલ ગોકુલ મિનરલ્સ પ્લાન્ટ આવેલ છે તેમાં તે જનરલ મેનેજર તરીકે કામ કરે છે અને માલ સામાન મંગાવીને રીપેરીંગ કામ કરવાનું કામ પણ તે જોવે છે ત્યારે કારખાનાના શેઠ આનંદભાઈ કૈલાના કહેવાથી તેણે મયુરભાઈ મુંધવાના રાધે એન્ટરપ્રાઇઝમાંથી ૭૦,૦૦૦ ની કિંમતના બે બેલ્ટ ગોકુલ મિનરલ્સના નામના ચલણથી મંગાવ્યા હતા અને તે બેલ્ટની બિલની રકમ ગોકુલ મીનલ્સના શેઠ આનંદભાઈએ આરોપીને ચૂકવી ન હતી જેથી કરીને આરોપી દ્વારા ફરિયાદીને અવારનવાર બાકી બિલ માટે થઈને ફોન કરવામાં આવતા હતા ગાળો આપવામાં આવતી હતી અને જાનથી મારી નાખવાની ધમકી આપવામાં આવતી હતી જેથી કરીને ભોગ બનેલા યુવાન દ્વારા પોતાના ડાબા હાથ ઉપર બ્લેડ વડે ચેકા મારીને ઇજા કરી લેવામાં આવી હતી જેથી તેને સારવારમાં લઈ જવામાં આવ્યો હતો હાલમાં ભાવેશભાઈ ગોહેલે નોંધાવેલ ફરિયાદ આધારે પોલીસે મયુર મુંધવા સામે ગુનો નોંધી તેને પકડવા માટે તજવીજ શરૂ કરેલ છે
