મોરબીમાં રહેતો અને સિરામિકમાં કોન્ટ્રાક્ટ રાખતો યુવાન ત્રણ દિવસથી ગુમ

મોરબીના ભરતનગર ગામે રહેતા આધેડનો દીકરો સિરામિકમાં કોન્ટ્રાક્ટ રાખતો હતો અને મોરબીમાં કેનાલ રોડ ઉપર રામકો બંગલોની પાછળ વૃંદાવન સોસાયટીમાં રહેતો હતો જે કોઈ કારણોસર ગુમ થઈ ગયેલ છે જેથી કરીને હાલમાં યુવાનના પિતાએ મોરબી એ ડિવિઝન પોલીસ સ્ટેશને અરજી આપી છે જેના આધારે પોલીસે યુવાનને શોધવા માટેની તજવીજ શરૂ કરેલ છે.

જાણવા મળતી માહિતી મુજબ મોરબી નજીકના ભરતનગર ગામે રહેતા ઈશ્વર બચુભાઇ ફેફરે દ્વારા મોરબી એ ડિવિઝન પોલીસ સ્ટેશને તેનો દીકરો ગુમ થયેલ છે તેવી અરજી આપવામાં આવી છે જેમાં તેને જણાવ્યું છે કે, તેનો દીકરો આનંદ ફેફર (30) કેનાલ રોડ ઉપર રામકો બંગલોની પાછળ વૃંદાવન સોસાયટીમાં આવેલા સંકેત એપાર્ટમેન્ટમાં રહે છે અને તે સિરામિકમાં કોન્ટ્રાક્ટર રાખીને કામ કરતો હતો જો કે, ગત તા 30 થી તે પોતાનું બાઇક લઈને ઘરેથી ગયા પછી પરત આવેલ નથી અને તેનો કોઈ જગ્યાએ પત્તો લાગેલ નથી જેથી પોલીસે આધેડની અરજી લઈને યુવાનને શોધવા માટે ચક્રો ગતિમાન કરેલ છે.