વાંકાનેરમાં નદીએ મહિલાઓ કપડાં ધોતી હોય તે બાજુ જવાની ના કહેતા એક શખ્સે મહિલાને પાઇપ વડે માર માર્યો
Morbi Today
મોરબીના રાજપર ગામે તું જમવાનું સારું બનાવતી નથી તેવું કહીને પત્નીને મારી નાખવાની ધમકી !
SHARE
JOIN OUR GROUP
મોરબીના રાજપર ગામે તું જમવાનું સારું બનાવતી નથી તેવું કહીને પત્નીને મારી નાખવાની ધમકી !
મોરબી તાલુકાના રાજપર ગામે પરણીતાને તું જમવાનું સારું બનાવતી નથી તેવું કહીને તેના પતિએ ઝઘડો કર્યો હતો ત્યારબાદ ગાળો આપી હતી અને જાનથી મારી નાખવાની ધમકી આપી હતી જેથી કરીને ભોગ બનેલ મહિલા દ્વારા મોરબી તાલુકા પોલીસ સ્ટેશન ખાતે તેના પતિની સામે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બનાવની જાણવા મળતી વિગત પ્રમાણે હાલમાં રાજપર રોડ ઉપર આવેલ મારુતિ નંદન સોસાયટી ખાતે માવતરના ઘરે રહેતા મૂળ રાજપરના રહેવાસી જ્યોતિબેન પીન્ટુભાઈ ઉર્ફે બકો મારવાણીયા (૨૯)એ હાલમાં તેના પતિ પીન્ટુભાઇ ઉર્ફે બકો નાનજીભાઈ મારવાણીયા રહે. રાજપર વાળાની સામે ફરિયાદ નોંધાવેલ છે જેમાં તેણે જણાવ્યું છે કે, ગત તા. ૧૮/૭/૨૦૨૩ ના રોજ રાત્રિના ૧૦ વાગ્યાના અરસામાં તે પોતાના ઘરે હતા ત્યારે તું જમવાનું સારું બનાવતી નથી તેવું કહીને તેના પતિએ તેની સાથે બોલાચાલી કરી હતી અને ગાળો આપી હતી ત્યારબાદ જાનથી મારી નાખવાની ધમકી આપી હતી જેથી કરીને ભોગ બનેલ મહિલા દ્વારા હાલમાં તેના પતિ સામે મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના એએસઆઇ એન.જે. ખડીયા તપાસ ચલાવી રહ્યા છે
