વાંકાનેરમાં નદીએ મહિલાઓ કપડાં ધોતી હોય તે બાજુ જવાની ના કહેતા એક શખ્સે મહિલાને પાઇપ વડે માર માર્યો

વાંકાનેર નજીક મચ્છુ નદી પાસે મહિલાઑ કપડાં ધોવા માટે ગયા હતા ત્યારે આરોપી તેનું બાઈક લઈને ત્યાં જતો હોય તેને ત્યાં જવાની ના પાડી હતી જે તેને સારું નહીં લાગતા તેને મહિલાને પાઇપ વડે માર માર્યો હતો તથા આરોપીની પત્ની, માતા અને અજાણ્યા શખ્સે ત્યાં આવીને ફરિયાદી મહિલાને ગાળો આપી હતી અને વાળ પકડીને વીખોરીયા ભરીને માર માર્યો હતો જેથી કરીને ભોગ બનેલ મહિલા દ્વારા હાલમાં વાંકાનેર સિટી પોલીસ સ્ટેશન ખાતે ફરિયાદ નોંધવામાં આવતા પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે

જાણવા મળતી માહિતી મુજબ વાંકાનેરમાં રાજગોર સમાજની વાડી સામે ભાટિયા સોસાયટીમાં રહેતા જસ્મીનબેન શક્તિભાઈ ઝાલાવાડીયા જાતે પટેલ (૩૦)એ વાંકાનેર સિટી પોલીસ સ્ટેશન ખાતે હસનભાઈ, હસનભાઈના પત્ની, હસનભાઈના માતા અને અજાણ્યા શખ્સની સામે ફરિયાદ નોંધાવી છે જેમાં તેમણે જણાવ્યું છે કે, તેઓ અને અન્ય મહિલા નદીમાં કપડાં ધોવા માટે મચ્છુ નદીએ ગયા હતા ત્યારે આરોપી હસનભાઈ તેનું બાઈક લઈને નદીમાં જતા હોય તેને ત્યાં જવાની ફરિયાદીએ ના પાડી હતી જે તેને સારું નથી લાગતા તેને ગાળો આપીને લોખંડના પાઈપ વડે મહિલાને માર માર્યો હતો ત્યારબાદ હસનભાઈના પત્ની, તેની માતા અને એક અજાણ્યા શખ્સે ત્યાં આવીને ફરિયાદી મહિલાને ગાળો આપી હતી અને વાળ પકડીને વિખોરીયા ભરીને માર માર્યો હતો જેથી કરીને ભોગ બનેલ મહિલા દ્વારા સારવાર લીધા બાદ વાંકાનેર સીટી પોલીસ સ્ટેશન ખાતે ફરિયાદ નોંધાવવામાં આવતા પોલીસે બે મહિલા સહિત ચાર વ્યક્તિઓની સામે ગુનો નોંધી આરોપીઓને પકડવા માટે તજવીજ શરૂ કરેલ છે