મોરબીના ગ્રામ્ય વિસ્તારમાં દુષ્કર્મનો ભોગ બનેલ સગીરાએ બાળકીને જન્મ આપ્યો
Morbi Today
મોરબીના રવાપર ગામે ઘરના બાથરૂમમાં પડી જતાં કપાળમાં ઇજા થવાથી વૃદ્ધનું મોત
SHARE
JOIN OUR GROUP
મોરબીના રવાપર ગામે ઘરના બાથરૂમમાં પડી જતાં કપાળમાં ઇજા થવાથી વૃદ્ધનું મોત
મોરબી નજીકના રવાપર ગામે આવેલ ભૂમિ ભક્તિ સોસાયટીમાં એપાર્ટમેન્ટમાં રહેતા વૃદ્ધ બાથરૂમમાં પડી જતા તેને કપાળના ભાગે ગંભીર ઇજા થયેલ હતી જેથી તેનું મોત નીપજયું હતું ત્યારબાદ તેના મૃતદેહને પીએમ માટે મોરબીની સરકારી હોસ્પિટલે લઈને આવ્યા હતા અને આ બનાવની હોસ્પિટલ મારફતે મોરબી સીટી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી પ્રમાણે મોરબી નજીકના રવાપર ગામે આવેલ ભૂમિ ભક્તિ સોસાયટીમાં અમૃત હાઈટસ નામના એપાર્ટમેન્ટમાં રહેતા નટવરલાલ સાગરચંદ ગામી જાતે પટેલ (૭૨) પોતે પોતાના ઘરે હતા ત્યારે વહેલી સવારે ચાર વાગ્યાના અરસામાં બાથરૂમમાં ચક્કર આવતા પડી ગયા હતા જેથી કરીને તેઓને માથામાં કપાળના ભાગે ગંભીર ઇજા થઈ હતી જેથી તેનું મોત નીપજયું હતું ત્યારબાદ તેના મૃતદેહને પીએમ માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી સીટી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
અકસ્માતમાં ઇજા
મોરબીમાં ગાંધી ચોક પાસે વાહન અકસ્માતનો બનાવ બન્યો હતો જેમાં મોરબી શહેરના સામાકાંઠા વિસ્તારમાં નટરાજ ફાટક પાસે રહેતા હરીસિંગ પન્નાલાલ આદિવાસી (૬૨) નામના વૃદ્ધને ઈજા થઈ હતી જેથી ઈજા પામેલ હાલતમાં તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની એ ડિવિઝન પોલીસે નોંધ કરીને આગળની રાબેતા મુજબની કાર્યવાહી હાથ ધરી છે
મારામારીમાં ઇજા
મોરબી તાલુકાના બેલા આમરણ ગામે મારામારીનો બનાવ બન્યો હતો જેમાં ત્યાં રહેતા સકીનાબેન આદમભાઈ કટિયા (૪૨) નામની મહિલાને ઇજાઓ થઈ હતી જેથી મહિલાને સારવાર માટે મોરબીની સિવિલ હોસ્પિટલે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના અર્જુનસિંહ ઝાલા ચલાવી રહ્યા છે
બાઇક સ્લીપ
મોરબી નજીકના લાલપર ગામ પાસે સીરામીક સીટીમાં રહેતા અરૂણભાઇ ધરભવન કુશવાહ (૩૧) નામનો યુવાન લખધીરપુર રોડ ઉપર આવેલ મેટ્રોપોલો સિરામિક કારખાના તરફ જઈ રહ્યો હતો દરમિયાન રસ્તામાં તેનું બાઇક સ્લીપ થઈ ગયું હતું જેથી અકસ્માતના બનાવમાં તે યુવાનને ઇજા થઇ હોવાથી સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવાની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે મોરબી તાલુકા પોલીસ સ્ટેશનના મનીષભાઈ બારૈયા ચલાવી રહ્યા છે
