હળવદ તાલુકામાં રેતી ચોરી કરતાં ત્રણ હિટાચી-બે હોકડા ઝડપાયા

હળવદ તાલુકામાં નદીમાંથી બેફામ રેતી ચોરી કરવામાં આવે છે ત્યારે ટીકર ગામ નજીક બ્રાહ્મણી નદીમાંથી રેતી કાઢતા ત્રણ હિટાચી અને બે હોડકાને મોરબી એલસીબીની ટીમે ઝડપી લીધા હતા અને હળવદ પોલીસ હવાલે કર્યા હતા

મોરબી જિલ્લા એલસીબી પીઆઈ ડી.એમ. ઢોલની સૂચના મુજબ સ્ટાફ કામ કરી રહ્યો છે ત્યારે હળવદ તાલુકાના ટીકર વિસ્તારમાં પેટ્રોલિંગમાં હતો ત્યારે બ્રાહ્મણી નદીમાંથી રેતી ચોરી કરવામાં આવી રહી છે તેવી માહિતી મળી હતી જેથી કરીને ત્યાં પોલીસ પહોચી હતી અને તે સમયે અમુક શખ્સો હિટાચી તથા હોડકાથી રેતીનું ખનન કરતા હતા જેથી રેતીનું ખનન અટકાવવામાં આવ્યું હતું અને રેતીના ખનન તથા વહન માએના જરૂરી આધાર પુરાવા માંગવામાં આવ્યા હતા ત્યારે રોયલ્ટી પાસ કે લીઝ ન હોવાથી પોલીસે ખનીજ વિભાગના ભૂસ્તરશાસ્ત્રીને બનાવની જાણ કરી હતી અને સ્થળ ઉપરથી ત્રણ હિટાચી તથા બે હોડકા કબજે કરીને આગળની કાર્યવાહી કરવામાં આવી છે