મોરબીના ગોર ખીજડીયા નજીકથી પિસ્તોલ સાથે એક શખ્સ પકડાયો

મોરબી તાલુકાના ગોર ખીજડીયા ગામના પાટીયા પાસેથી એક શખ્સ પસાર થઈ રહ્યો હતો ત્યારે તેને રોકીને પોલીસ દ્વારા ચેક કરવામાં આવ્યો હતો દરમિયાન તેની પાસેથી દેશી બનાવટનું એક હથિયાર મળી આવતા પોલીસે તેની પાસેથી પિસ્તોલ કબજે કરી હતી અને દસ હજાર રૂપિયાની કિંમતનું હથિયાર કબજે કરીને મોરબી તાલુકા પોલીસ સ્ટેશન ખાતે તેની સામે ગુનો નોંધી પોલીસ આગળની કાર્યવાહી કરેલ છે

જાણવા મળતી માહિતી મુજબ મોરબી તાલુકા પોલીસની ટીમ પેટ્રોલિંગમાં હતી ત્યારે મોરબી તાલુકાના ગોર ખીજડીયા ગામના પાટીયા પાસેથી એક શખ્સ પસાર થઈ રહ્યો હતો ત્યારે તેને રોકીને ચેક કરતા તેની પાસે પેન્ટના નેફામાંથી દેશી બનાવટની મેગ્ઝીન વાળી એક પિસ્તોલ મળી આવી હતી જેથી કરીને પોલીસે ૧૦૦૦૦ ની કિંમતનું હથિયાર કબજે કર્યું હતું અને હથિયાર સાથે શાહરૂખખભાઈ હનીફભાઈ ચાનિયા જાતે સંધિ (૨૨) રહે. સોઓરડી વરિયા મંદિર પાછળ મોરબી વાળાની ધરપકડ કરેલ છે અને તેની સામે મોરબી તાલુકા પોલીસ સ્ટેશન ખાતે આર્મ્સ એક્ટની જુદી જુદી કલમ હેઠળ ગુનો નોંધી આગળની કાર્યવાહી હાથ ધરવામાં આવી છે