મોરબીમાં દારૂની એક્ટિવા ઉપર હેરાફેરી કરતી બે મહિલા પકડાઈ

મોરબીના વીસીપરા વિસ્તારમાં ગર્લ્સ હાઇસ્કુલ પાસેથી એકટીવા લઈને બે મહિલા પસાર થઈ રહી હતી ત્યારે પોલીસે એક્ટિવને રોકીને ચેક કર્યું હતું ત્યારે તે મહિલાઓ પાસેથી દારૂનો જથ્થો મળી આવ્યો હતો જેથી કરીને પોલીસે વાહન અને દારૂ મળીને ૪૧૦૦૦ નો મુદ્દામાલ કબજે કરી બંને મહિલાઓની ધરપકડ કરી આગળની રાબેતા મુજબની કાર્યવાહી હાથ ધરી હતી

જાણવા મળતી માહિતી મુજબ મોરબીના વીસીપરા મેઇન રોડ ઉપર આવેલ એમ.પી, શેઠ ગર્લ્સ હાઇસ્કુલ પાસેથી એક્ટિવા લઈને બે મહિલા પસાર થઈ રહી હતી ત્યારે પોલીસે એકટીવાને રોકીને ચેક કરતાં તે મહિલાઓની પાસેથી ૫૦ લિટર દેશી દારૂનો જથ્થો મળી આવ્યો હતો જેથી કરીને પોલીસે ૪૦૦૦૦ નું એક્ટિવા અને ૧૦૦૦ નો દારૂ આમ કુલ મળીને ૪૧૦૦૦ ના મુદામાલ સાથે નયનાબેન સુનિલભાઈ કગથરા જાતે કોળી (૨૫) તેમજ દક્ષાબેન ગાંડુભાઈ કગથરા જાતે કોળી (૨૬) રહે બંને વેજીટેબલ રોડ લાભનગર મોરબી વાળીની ધરપકડ કરી આગળની રાબેતા મુજબની કાર્યવાહી હાથ ધરેલ છે

મારામારીમાં ઇજા

મોરબી નજીકના મહેન્દ્રનગર ગામે રહેતા પ્રભુભાઈ ગાંડુભાઈ કઠેવાડીયા (૩૩) નામના યુવાનને મારામારીના બનાવમાં ફેક્ચર જેવી ઈજા થઈ હતી જેથી કરીને ઇજાગ્રસ્તને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ છે અને વધુ તપાસ મોરબી બી ડિવિઝન પોલીસ સ્ટેશનના વાલભા ચાવડા ચલાવી રહ્યા છે

મારામારીમાં ઇજા

મોરબી નજીકના રફાળેશ્વર ગામ પાસેથી પાનેલી તરફ જવાના રસ્તા ઉપર આવેલા મચ્છુનગરમાં મારામારીનો બન્યો હતો જેમાં અશોકભાઈ રતાભાઇ રાઠોડ (૨૬) નામના યુવાનને ઇજા થઈ હતી જેથી હાલતમાં તે યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની સિવિલ હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવી નોંધ કરી આગળની કાર્યવાહી કરેલ છે અને આગળની તપાસ મોરબી તાલુકા પોલીસ સ્ટેશનના મહેશભાઈ કહાંગરા ચલાવી રહ્યા છે