મોરબીમાં માવા માટે મામા-ભાણેજ વચ્ચે બઘડાટી
SHARE
JOIN OUR GROUP
મોરબીમાં માવા માટે મામા-ભાણેજ વચ્ચે બઘડાટી
માવા મસાલા માટે અવારનવાર માથાકૂટો થતી હોય તેવી ઘટનાઓ સામે આવતી હોય છે આવી જ રીતે મોરબીમાં પણ મામા ભાણેજ વચ્ચે માવા બાબતે બોલાચાલી થઈ હતી ત્યારબાદ મારામારીનો બનાવ બન્યો હતો જેમાં બંનેને ઇજા થયેલ હોવાથી બે યુવાનોને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી સીટી બી ડિવિઝન પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ મોરબીના વિસ્તારમાં આવેલ નગરપાલિકાના ડેલા પાસે મારામારીનો બનાવ બન્યો હતો જે બનાવમાં સંજયભાઈ અમરશીભાઈ ગડેલીયા (૩૧) રહે. વીસીપરા અને મેહુલભાઈ હરેશભાઈ ઘાટલિયા (૨૫) રહે. વીસીપરા રાજ બેકરી પાસે વાળાને ઇજાઓ થઇ હોવાથી બંને ઇજાગ્રસ્તોને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી આ બનાવની આગળની વધુ તપાસ કરતા મોરબી બી ડિવિઝન પોલીસ સ્ટેશનના વી.ડી. મેતા સાથે વાત કરતાં તેમણે જણાવ્યું હતું કે, સંજય અને મેહુલ બંને સંબંધમાં મામા ભાણેજ થાય છે અને માવો ખાવા બાબતે બંને વચ્ચે બોલાચાલી થઈ હતી અને ત્યારબાદ બનાવ મારામારી સુધી પહોંચ્યો હતો જેમાં બંનેને ઇજાઓ થયેલ હોવાથી તેને સારવાર માટે લઈને આવ્યા છે તેવું પ્રાથમિક તપાસમાં સામે આવ્યું છે
મારામારીમાં ઇજા
મોરબીના રફાળેશ્વર ગામ પાસે મારામારીનો બનાવ બન્યો હતો જેમાં વિજય માધાભાઈ સીતાપરા જાતે કોળી (૨૨) નામના યુવાનને ઇજાઓ થઈ હતી જેથી કરીને મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે આ બનાવની આગળની તપાસ મોરબી તાલુકા પોલીસ સ્ટેશનના એ.એમ. જાપડીયા ચલાવી રહ્યા છે
