મોરબીના ઊંચી માંડલ પાસે બાઈક સવાર યુવાનને કન્ટેનર ચાલકે હડફેટ લેતા સારવારમાં
SHARE
JOIN OUR GROUP
મોરબીના ઊંચી માંડલ પાસે બાઈક સવાર યુવાનને કન્ટેનર ચાલકે હડફેટ લેતા સારવારમાં
મોરબીના હળવદ રોડ ઉપર ઉંચી માંડલ ગામેથી તળાવીયા શનાળા જતા રસ્તે વાહન અકસ્માતનો બનાવ સર્જાયો હતો જેમાં વસ્તુ લેવા માટે બહાર નીકળેલા બાઈક સવાર યુવાનના બાઈકને કન્ટેનર ચાલાકે હડફેટે લેતા ઇજા થતા યુવાનને હાલ ખાનગી હોસ્પિટલે સારવાર માટે લઈ જવામાં આવ્યો છે.
મોરબી તાલુકા પોલીસ સુત્રોમાંથી મળતી માહિતી પ્રમાણે મોરબીના નવલખી હાઇવે ઉપર આવેલ જેપુર ગામના વતની નિખિલ મણિલાલ સાણજા (ઉંમર ૨૭) નામનો યુવાન ઉંચી માંડલ ગામે રોલઝા ગ્રેનાઇટો ખાતેથી વસ્તુ લેવા માટે બહાર નીકળ્યો હતો અને ઊંચી માંડલ ગામેથી તળાવિયા શનાળા જતા રસ્તેથી બાઈક લઈને જતો હતો ત્યારે ત્યાં કન્ટેનરના ચાલકે તેને બાઈક સહિત હડફેટે લેતા ઇજા પામેલ નિખીલ સાણજાને મોરબીની મધુરમ હોસ્પિટલ ખાતે સારવાર માટે લઈ જવામાં આવ્યો હતો.ત્યાં તેની સારવાર કરવામાં આવ્યા બાદ તાલુકા પોલીસમાં જાણ કરાતા હાલ તાલુકા પોલીસ મથકના ફિરોજભાઈ સુમરા દ્વારા આ બનાવની નોંધ કરીને તપાસ ચલાવવામાં આવી રહી છે.
ઝેરી અસર થતા સારવારમાં
મોરબી તાલુકાના માનસર ગામે વાડી વિસ્તારમાં રહીને મજૂરી કામ કરતા સુનિલ સાયરસિંહ નામના ૨૩ વર્ષના યુવાનને માનસર ગામના મહેશભાઈ કેશવજીભાઈની વાડીએ વાડીમાં જંતુનાશક દવાનો છંટકાવ કરતા સમયે ઝેરી અસર થવાથી સારવાર માટે ખાનગી હોસ્પિટલ લઈ જવામાં આવ્યો હતો જે અંગે નોંધ થતા તાલુકા પોલીસ મથકમાં અર્જુનસિંહ ઝાલા દ્વારા વધુ તપાસ હાથ ધરવામાં આવી હતી.
મહિલા સારવારમાં
મોરબીના લાતીખોટ વિસ્તારમાં શેરી નંબર-૪ માં મફતપરા વિસ્તારમાં રહેતા જેતુનબેન યુનુસભાઈ નામની ૩૮ વર્ષની મહિલા ઘરે કામ કરતી હતી ત્યારે કામ દરમિયાન કબાટનો કાચ તૂટીને હાથમાં લાગી જવાથી ઇજાઓ પહોંચી હતી જેથી તેણીને સારવાર માટે દવાખાને લઈ જવામાં આવી હતી.જ્યારે રાજકોટના રહેવાસી સંજયભાઈ બગથરીયા નામના ૨૧ વર્ષના યુવાનને મોરબીના શનાળા ગામે શક્તિ માતાના મંદિર પાસે વાહન અકસ્માતમાં ઇજા થતા સારવાર માટે સિવિલે લાવવામાં આવ્યો હતો.
પરણીતા સારવારમાં
કચ્છ ગાંધીધામના એકતાનગર વિસ્તારમાં રહેતા સમીનબેન સુલેમાનભાઈ જીંગીયા નામની ૨૧ વર્ષીય મહિલાને તેના ઘરે તેના પતિ તથા સાસુ દ્વારા માર મારવામાં આવેલો હોય તેણીને વધુ સારવાર માટે અત્રેની સિવિલે લાવવામાં આવી હતી જે અંગે મોરબી એ ડિવિઝન પોલીસ મથકના હરેશભાઈ ચાવડા દ્વારા નોંધ કરીને તપાસ ચલાવવામાં આવી હતી.
