મોરબીમાં ઓડિયો વાઇરલ થયા બાદ થયેલી મારામારીના ગુનામાં વધુ પાંચ આરોપીઓની ધરપકડ
Morbi Today
મોરબી નજીક યુવાનની હત્યાના ગુનામાં આરોપીની ધરપકડ
SHARE
JOIN OUR GROUP
મોરબી નજીક યુવાનની હત્યાના ગુનામાં આરોપીની ધરપકડ
મોરબીના લાલપર પાસે યુવાનની હત્યા કરવામાં આવી હતી જેની ફરિયાદ નોંધાઈ હતી તેના આધારે પોલીસે આરોપીઓને પકડવા માટે તજવીજ શરૂ કરી હતી અને હાલમાં આ ગુનામાં પોલીસે એક આરોપીની ધરપકડ કરીને આગળની કાર્યવાહી કરેલ છે
જાણવા મળતી માહિતી મુજબ મૂળ ઝારખંડના રહેવાસી અને હાલ લાલપર નજીક ઇપોઝ સિરામિકના લેબર ક્વાર્ટરમાં રહેતા લખનભાઈ માગેયાભાઈ બારીએ મોરબી તાલુકા પોલીસ સ્ટેશને ફરિયાદ નોંધાવી હતી કે, ઇપોઝ કારખાનાના પેકિંગ વિભાગમાં તે મજુરી કામ કરે છે બે માસ પૂર્વે તેની સાથે કામ કરતા લુટુભાઈએ તેના બાજુના ગામના સોનાતોનભાઈ જાપાનભાઈ કાઈકા (૧૯) આવ્યો હતો અને ગત તા. ૧૧ જુલાઈના રોજ નાઈટ શિફ્ટમાં કામ ઉપર હતો ત્યારે તાવ આવે છે તેવું કહીને તે કામે આવ્યો ન હતો ત્યાર બાદ કારખાનાની પાછળના ભાગમાં કોઈનો મૃતદેહ પડ્યો હોવાની ફરિયાદી લખનભાઈને જાણ કરવામાં આવી હતી જેથી કોન્ટ્રાકટર બંસીધર સહિતના ત્યાં ગયા હતા અને તેની સાથે કામ કરતો સોનાતોનભાઈ કચરાના ઢગલા પાસે પડ્યો હતો જેનું મોઢું અને કપડા લોહી વાળા હતા અને તીક્ષ્ણ હથિયારના ઘા મરવામાં આવ્યા હોય તેવું જોવા મળ્યું હતું જેથી અજાણ્યા શખ્સે તીક્ષ્ણ હથિયાર વડે માથા અને કપાળના ભાગે ઈજા કરીને તેની હત્યા કરી હોવાનું સામે આવ્યું હતું જેથી પોલીસે ફરિયાદ લઈને આરોપીને પકડવા માટે તજવીજ શરૂ કરેલ હતી અને હાલમાં તાલુકા પીઆઇ કે.એ. વાળા દ્વારા આરોપી ગુલશન ભયાલાલ કૌલ જાતે આદિવાસી (૨૩) રહે. ઇપોઝ કારખાનાના લેબર કવાર્ટર મૂળ રહે યુપી વાળાની ધરપકડ કરેલ છે અને મરણ જનાર આરોપીની સાથે માથાકૂટ કરીને ગાળો આપતો હતો જેથી કરીને ધક્કો મારીને પડી દીધો હતો ત્યાર બાદ તેને પાઇપ અને પથ્થર ઉપર ફેંક્યો હતો જેથી ઇજા થતાં તેનું એમઆઇટી નીપજયું હતું
મહિલા સારવારમાં
મોરબીના લાતીખોટ વિસ્તારમાં શેરી નંબર-૪ માં મફતપરા વિસ્તારમાં રહેતા જેતુનબેન યુનુસભાઈ નામની ૩૮ વર્ષની મહિલા ઘરે કામ કરતી હતી ત્યારે કામ દરમિયાન કબાટનો કાચ તૂટીને હાથમાં લાગી જવાથી ઇજાઓ પહોંચી હતી જેથી તેણીને સારવાર માટે દવાખાને લઈ જવામાં આવી હતી.જ્યારે રાજકોટના રહેવાસી સંજયભાઈ બગથરીયા નામના ૨૧ વર્ષના યુવાનને મોરબીના શનાળા ગામે શક્તિ માતાના મંદિર પાસે વાહન અકસ્માતમાં ઇજા થતા સારવાર માટે સિવિલે લાવવામાં આવ્યો હતો.
પરણીતા સારવારમાં
કચ્છ ગાંધીધામના એકતાનગર વિસ્તારમાં રહેતા સમીનબેન સુલેમાનભાઈ જીંગીયા નામની ૨૧ વર્ષીય મહિલાને તેના ઘરે તેના પતિ તથા સાસુ દ્વારા માર મારવામાં આવેલો હોય તેણીને વધુ સારવાર માટે અત્રેની સિવિલે લાવવામાં આવી હતી જે અંગે મોરબી એ ડિવિઝન પોલીસ મથકના હરેશભાઈ ચાવડા દ્વારા નોંધ કરીને તપાસ ચલાવવામાં આવી હતી.
