મોરબીમાંથી ૧૭૯.૬૨ ગ્રામ ગાંજા સાથે પકડાયેલા શખ્સનાં બે દિવસના રિમાન્ડ મંજૂર

મોરબીના લીલાપર ગામ બાજુથી આવી રહેલા બાઈકને રોકીને બાઈક ઉપર જઇ રહેલા શખ્સોને ચેક કરવામાં આવ્યા હતા ત્યારે તે બાઈક ઉપર જઈ રહેલા શખ્સ પાસેથી ૧૭૯.૬૨ ગ્રામ ગાંજાનો જથ્થો મળી આવ્યો હતો જેથી કરીને પોલીસે ગાંજો, બે મોબાઈલ, રોકડા રૂપિયા તથા બાઈક મળીને ૨૪,૬૩૦ નો મુદામાલ કબજે કર્યો હતો અને એક શખ્સની ધરપકડ કરી હતી જેને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીના બે દિવસના રિમાન્ડ મંજૂર કરેલ છે

મોરબીના લીલાપર કેનાલ રોડ ઉપર ટ્રાફિક ડ્રાઈવની કામગીરી ચાલુ હતી ત્યારે લીલાપર ગામ તરફથી એક ડબલ સવારી બાઇક નંબર પ્લેટ વગરનું બાઇક મોરબી તરફ આવી રહ્યું હતું ત્યારે તે બાઈકને ઉભું રાખવામાં આવ્યું હતું અને બાઈક ઉપર જઈ રહેલા બે વ્યક્તિઓને રોકીને ચેક કરવામાં આવ્યા હતા ત્યારે એજાજ ઉર્ફે માથારો અબ્દુલભાઈ આરબ શેખ નામના શખ્સ પાસેથી ગાંજાનો જથ્થો મળી આવ્યો હતો જેથી કરીને પોલીસે તેની પાસેથી ૧૭૯.૬૨ ગ્રામ ગાંજો જેની કિંમત ૧૭૯૦ તેમજ ૨૫૦૦ ના બે મોબાઈલ ફોન, રોકડા રૂપિયા ૩૪૦ તેમજ ૨૦ હજાર રૂપિયાની કિંમતનું બાઈક આમ કુલ મળીને ૨૪,૬૩૦ નો મુદ્દામાલ કબજે કર્યો હતો અને એજાજ ઉર્ફે માથારો અબ્દુલભાઈ આરબ શેખ (૨૮) રહે. લિંબાળા ગામ સ્મશાનની પાછળની ઓરડીમાં વાંકાનેર વાળાની ધરપકડ કરેલ હતી અને તેની સાથે મળી આવેલ બાળકિશોરને કબજામાં લઈને પોલીસે આગળની રાબેતા મુજબની કાર્યવાહી કરી હતી અને આ આરોપીને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીના બે દિવસના રિમાન્ડ મંજૂર કરેલ છે