મોરબી,ટંકારા-પડધરીમાં વરસાદ ખેંચાતા સૌની યોજના દ્વારા પાણી આપવા આમ આદમી પાર્ટીની રજૂઆત

આમ આદમી પાર્ટી ટંકારા તાલુકા ટીમ દ્વારા મોરબી કલેકટરને સૌની યોજના દ્વારા ખેડૂતોને પાણી આપવા માટે આવેદન પત્ર આપવામાં આપ્યુ હતુ. ટંકારા તાલુકા આમ આદમી પાર્ટીના પ્રમુખ નરોત્તમભાઇ ગોસરા દ્રારા જણાવેલ કે ટંકારા તાલુકામાં નહિવત વરસાદના કારણે ખેડૂતોના પાકને જ્યારે પાણીની તાતિ જરૂરિયાત હોય જેથી સૌની યોજના અંતર્ગત મોરબી, ટંકારા તેમજ પડધરીમાં આવતા વિસ્તારોમાં જ્યાં નદિ, વોકળા કે તળાવમાં વાલ્વ મુકેલા હોય ત્યાં તાત્કાલિક વાલ્વ ખોલી ખેડુતોને પાણિ પુરું પાડવામા આવે, આવેદનપત્ર આમ આદમી પાર્ટી ટંકારા ઉપપ્રમુખ રાજુભાઇ રૈયાણિ, મહામંત્રી પ્રકાશભાઇ દુબરિયા, પ્રકાશભાઇ રાજપરા તેમજ દિનેશભાઇ ચાવડા દ્રારા આપવામાં આવ્યુ હતુ.