ટંકારામાં આર્યસમાજ દ્વારા આજથી શતાબ્દી મહોત્સવનો પ્રારંભ: યજ્ઞ-શોભાયાત્રા સહિતના કાર્યક્રમો યોજાયા મોરબીના મહેન્દ્રનગર પાસે પેસેન્જર રીક્ષાને અકસ્માત નડયો, એક વ્યક્તિનું રાજકોટ ખાતે મોત મોરબીના સાહિલ માજોઠીનું યુદ્ધ કેદીઓને ટ્રાન્સફર લિસ્ટમાં હાલ યુક્રેને રશિયાને નામ ન આપ્યું: સાહિલને ભારત હેમખેમ આવવા સામે પ્રશ્નાર્થ મોરબીની ઓમ શાંતિ વિદ્યાલયનો વિદ્યાર્થી કંઝારીયા જયદીપ રંગોત્સવમાં સમગ્ર ભારતમાં પ્રથમ મોરબી નજીક કારખાનાના બાથરૂમમાં અજાણ્યું ઇન્જેક્શન મારીને યુવાને કર્યો આપઘાત મોરબીમાં પરિણીતાને દુ:ખ ત્રાસ આપીને મારકૂટ કરતાં પતિ સહિત ત્રણ સામે ફરિયાદ હળવદ ભાજપ દ્વારા પંડિત દીનદયાળ ઉપાધ્યાયજીની પુણ્યતિથિ નિમિત્તે શ્રદ્ધાંજલિનો કાર્યક્રમ યોજાયો મોરબીમાં ત્રાજપર ચોકડીએ રીક્ષા પલ્ટી જતાં ઇજા પામેલ યુવાન સારવારમાં: મિલન પાર્કમાંથી બાઈકની ચોરી

Breaking news

Morbi Today

મોરબી-ટંકારામાં જુગારની ત્રણ રેડ: મહિલા સહિત ૧૨ જુગારી પકડાયા

27-08-2023 02:38 PM

મોરબી-ટંકારામાં જુગારની ત્રણ રેડ: મહિલા સહિત ૧૨ જુગારી પકડાયા

મોરબી શહેરમાં બે તથા ટંકારામાં એક આમ કુલ મળીને જુગારની ત્રણ રેડ કરવામાં આવી હતી દરમિયાન મહિલા સહિત કુલ મળીને ૧૨ જુગારીઓ મળી આવતા પોલીસે તેની સામે સ્થાનિક પોલીસ સ્ટેશનમાં જુદા જુદા ત્રણ ગુના નોંધી આગળની કાર્યવાહી હાથ ધરી છે.

મોરબી શહેરના સામાકાંઠા વિસ્તારમાં ત્રાજપરમાં આવેલ હડકાઈ માતા વાળી શેરીમાં રહેતા જયંતીભાઈ માજુસાના ઘરમાં જુગાર રમતા હોવા અંગેની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા જયંતીભાઈ ગાંડુભાઇ માજુસા (૬૦) અર્સદભાઇ નાઝીરભાઈ લશ્કરી (૩૩) દેવજીભાઈ જીવણભાઈ બાબરવા (૬૧) સુખરામભાઈ પ્રભુભાઈ ઝીંઝવાડીયા (૫૯) રમેશભાઈ પ્રભુભાઈ પાંચોટિયા (૬૦) અને દિનેશભાઈ રામજીભાઈ પાટડીયા (૪૨) રહે. બધા મોરબી વાળા જુગાર રમતા મળી આવ્યા હોય પોલીસે તેમની પાસેથી રૂા.૨૫,૮૦૦ ની રોકડ કબ્જે કરી હતી અને જુગાર ધારા હેઠળ ગુનો નોંધીને આગળની કાર્યવાહી હાથ ધરેલ છે.

તેમજ જુગારની બીજી રેડ વિસીપરા ધોળેશ્વરમાં આવેલ જુની જેલ પાસે કરવામાં આવી હતી જેમાં જાહેરમાં જુગાર રમી રહેલા કાનજીભાઈ મેરૂભાઈ જાસલીયા, નરસિભાઈ બેચરભાઈ ઝિંઝુવાડીયા અને શિલ્પાબેન મહેશભાઈ બાબરીયા રહે.બધા મોરબી વિસીપરા વાળા જુગાર રમતા મળી આવ્યા હોય પોલીસે ૮૪૦ રૂપિયાની રોકડ કબ્જે કરી આગળની કાર્યવાહી હાથ ધરી છે.તેમજ ટંકારામાં દ્વારકાધીશ જીન પાસે દેવીપુજક વાસમાં જુગારની રેડ કરવામાં આવી હતી જેમાં મુન્નાભાઈ ધનજીભાઈ કુંઢીયા (૨૬) ગંગારામભાઈ ગોરધનભાઈ કુંઢીયા (૩૦) અને કિરણભાઈ પ્રભુભાઈ કુંઢીયા (૩૦) રહે. બધા દેવીપુજક વાસ ટંકારા વાળા જુગર રમતા મળી આવ્યા હોય પોલીસે તેની પાસેથી ૧૫૩૦ ની રોકડ કબ્જે કરી આગળની કાર્યવાહી હાથ ધરી છે.

અકસ્માતમાં ઇજા

મોરબીમાં લીલાપર રોડ ઉપર ગૌશાળાની બાજુમાં આવેલ નીલકમલ સોસાયટીમાં રહેતા ધનજીભાઈ રામજીભાઈ ચાવડા (ઉમર ૬૫) એ હાલમાં બાઈક નંબર જીજે ૩ એમક્યુ ૫૮૬૬ ના ચાલક સામે ફરિયાદ નોંધાવી છે જેમાં તેણે જણાવ્યુ છે કે તેઓ ગૌશાળાની બાજુમાં હતા ત્યારે બાઈક ચાલકે પોતાનો બાઇકથી તેઓને ટક્કર મારીને નીચે રસ્તા ઉપર પછાડી દીધા હતા.જેથી કરીને માથામાં અને જમણા પગના ગોઠણમાં ઈજા હોવાથી તેને સારવાર માટે આયુષમાં લઈ ગયા હતા અને ધનજીભાઈ ચાવડાએ સારવાર લીધા બાદ હાલમાં બાઈક ચાલક સામે ફરિયાદ નોંધાવતા પોલીસે ગુનો નોધી આરોપીને પકડવા માટે શરૂ કરેલ છે.