મોરબી જિલ્લામાં ગામડાઓમાં સુવિધાઓનું ચેકિંગ કરવા ડીડીઓએ બનાવી ખાસ ટીમ

મોરબી જિલ્લામાં ૩૬૨ ગ્રામ પંચાયત આવેલ છે ત્યાં ગામના લોકોને કેવી સુવિધાઓ મળી રહી છે તે ચેક કરવા માટેનું મોરબી જિલ્લાના ડીડીઓ દ્વારા આયોજન કરવામાં આવ્યું છે અને જુદાજુદા ગામોમાં સુવિધાઓને ચેક કરવા માટે ખાસ ટીમો પણ બનાવવામાં આવી છે અને આ ટીમો દ્વારા ગામમાં જઈને ગ્રામ પંચાયત, શાળા, આંગણવાડી, આરોગ્ય કેન્દ્રો, પશુપાલન, બાંધકામ અને તળાવ સહિતના કામોનું ચેકિંગ કરશે

મોરબી જિલ્લાના ડીડીઓ ડી.ડી. જાડેજાએ માહિતી આપતા જણાવ્યું હતું કે, જીલ્લામાં આવેલા ગામડાઓમાં જે સુવિધાઓ આપવામાં આવે છે તે ખરેખર લોકો સુધી પહોચે છે કે કેમ તે ચેક કરવામાં આવે તે જરૂરી છે જેથી કરીને ગ્રામ પંચાયત કે તલાટી યોગ્ય સુવિધાઓ ન આપતા હોય તો તેની ચકાસણી કરીને પગલાં લેવામાં આવશે હાલમાં જિલ્લા પંચાયતના દરેક વિભાગના કલાસ વન અને ટૂ અધિકારીઓની કુલ મળીને ૨૪ ટીમો બનાવી છે જે દરેક ટિમ બે બે ગામને ચેક કરશે અને જયારે ટિમ ગામમાં આવે ત્યારે સરપંચ અને તલાટીએ ફરજિયાત હાજર રહેવા રહેશે અને જો હાજર નહી હોય તો તેમની સામે કાર્યવાહી કરવામાં આવશે આ ટીમો ગામડાની શાળા, આંગણવાડી, આરોગ્ય કેન્દ્રો, પશુપાલન, બાંધકામ શાખાના કામો તેમજ તળાવ સહિતના કામોનું ચેકિંગ કરશે અને તેના રિપોર્ટમાં જો કોઈ ખામી નજર આવશે તો તેની ઘટતી કાર્યવાહી કરાશે અને સુવિધાઓ પુરી કરવા માટેના પ્રયાસો કરાશે.