મોરબીમાં મહીલા પોલીસકર્મીના ન્યુડ વિડીયો-ફોટો વાઇરલ કરવાના ગુનામાં વધુ એકની ધરપકડ
Morbi Today
મોરબી સબજેલ ખાતે કેદીવાન ભાઈઓને બહેનો દ્વારા રક્ષાબંધન નિમિત્તે રાખડી બાંધવામાં આવી
SHARE
JOIN OUR GROUP
મોરબી સબજેલ ખાતે કેદીવાન ભાઈઓને બહેનો દ્વારા રક્ષાબંધન નિમિત્તે રાખડી બાંધવામાં આવી
રક્ષાબંધનના પવિત્ર દિવસની આજે દરેક જગ્યાએ ઉજવણી કરવામાં આવી રહી છે અને બહેનો તેના ભાઈને રક્ષા કવચ એટલે કે “રાખડી” બાંધી રહી છે ત્યારે મોરબી સબ જેલની અંદર રહેલા કેદીઓને પણ તેની બહેનનો રક્ષાબંધન નિમિત્તે રાખડી બાંધી શકે તેવી વ્યવસ્થા ગોઠવવામાં આવી હતી અને જેલ પ્રશાસન દ્વારા રક્ષાબંધનના પવિત્ર દિવસે બહેનો તેના ભાઈને રાખડી બાંધે તે માટેનું આયોજન કરવામાં આવ્યું હતું.
સમગ્ર દેશની અંદર આજે રક્ષાબંધનના પર્વની ઉજવણી કરવામાં આવી રહી છે ત્યારે મોરબીના જેલ રોડ ઉપર આવેલ સબ જેલ ખાતે બંધ રહેલા કેદી ભાઈઓને પણ તેઓની બહેનો રક્ષાબંધનના દિવસે રાખડી બાંધી શકે તે માટે થઈને જેલ પ્રશાસન દ્વારા વ્યવસ્થા કરવામાં આવી હતી અને મોરબીની સબ જેલની અંદર બંધ રહેલા કેદી ભાઈઓને તેઓની બહેનો રાખડી બાંધીને રક્ષાબંધનના પર્વની ઉજવણી કરી શકે તે માટે મોરબી સબ જેલના અધિક્ષક ડી.એમ.ગોહિલ અને જેલર એમ.પી.ચાવડાની સુચના મુજબ સ્થાનિક કર્મચારીઓ દ્વારા રાખડી બાંધવા માટેની વ્યવસ્થા ગોઠવવામાં આવી હતી અને આ જેલની અંદર બંધ રહેલા ૩૦૦ જેટલા કેદી ભાઈઓમાંથી લગભગ ૫૦ ટકાથી વધુ કેદીઓની બહેનો જેલ ખાતે આવી હતી અને ત્યાં આવીને પોતાના ભાઈને રક્ષા કવચ એટલે કે રાખડી બાંધી હતી અને તેની લાંબી ઉમર માટે પ્રાર્થના અને દુઆઑ કરી હતી.
