મોરબીના નવી પીપળી પાસેથી પિસ્તોલ સાથે એક શખ્સ ઝડપાયો

મોરબીના જેતપર રોડ ઉપર આવેલ નવી પીપળી ગામના ગેઇટ પાસેથી પસાર થઈ રહેલા શખ્સને રોકીને એલસીબીની ટીમ દ્વારા ચેક કરવામાં આવ્યો હતો ત્યારે તેની પાસેથી દેશી બનાવટની મેગ્ઝીન વાળી એક પિસ્તોલ મળી આવી હતી જેથી પોલીસે દસ હજાર રૂપિયાની કિંમતનું હથિયાર કબજે કરીને આ શખ્સની સામે મોરબી તાલુકા પોલીસ સ્ટેશન ખાતે આર્મ્સ એક્ટ મુજબ ફરિયાદ નોંધાવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી જિલ્લા એલસીબીની ટીમ પેટ્રોલિંગમાં હતી ત્યારે મોરબીના જેતપર રોડ ઉપર આવેલ નવી પીપળી ગામના ગેઇટ પાસેથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દેશી હાથ બનાવટની એક મેગઝિન વાળી પિસ્તોલ મળી આવી હતી જેથી પોલીસે ૧૦,૦૦૦ રૂપિયાની કિંમતનું હથિયાર તેની પાસેથી કબજે કર્યું હતું અને આરોપી કિર્તીભાઈ કનુભાઈ વરાળીયા જાતે જૈન વાણીયા (૨૪) રહે. નવી પીપળી હનુમાનજીના મંદિર પાસે મોરબી વાળાની ધરપકડ કરી હતી અને પકડાયેલ શખ્સની પાસેથી મોરબી તાલુકા પોલીસ સ્ટેશન ખાતે ગુનો નોંધીને પોલીસ આગળની રાબેતા મુજબની કાર્યવાહી હાથ ધરી છે અને આ શખ્સ પાસેથી મળી આવેલ હથિયાર તે ક્યાંથી લાવ્યો છે તે દિશામાં પોલીસ દ્વારા તપાસ શરૂ કરવામાં આવેલ છે

અકસ્માતમાં ઇજા

હળવદ તાલુકાના ઘનશ્યામગઢ ગામ માં રહેતા અરવિંદભાઈ બાવલભાઈ ગોપાણી જાતે પટેલ (૪૫)એ બાઈક નંબર જીજે ૩૬ એજી ૦૩૯૬ ના ચાલક સામે હળવદ તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, આરોપીએ પોતાના હવાલા વાળું બાઈક બેફિકરાઇથી ચલાવીને ફરિયાદીના બાઈક સાથે સામેથી આવીને અથડાવ્યું હતું જેથી અકસ્માતનો બનાવ બન્યો હતો જેમાં ફરિયાદીને ડાબા પગના અંગૂઠોમાં ફ્રેક્ચર અને શરીરે ઇજાઓ થઇ હોવાથી તેને સારવાર માટે લઈ ગયા હતા હાલમાં યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે