મોરબીમાં માતાને રસોઈમાં મદદ કરવાની ના પડ્યા બાદ લાગી આવતા સગીરાએ અંતિમ પગલું ભર્યું
Morbi Today
મોરબીમાં ખોટા નામથી હોટલમાં રોકાવાના ગુનામાં વધુ એક આરોપીની ધરપકડ: ત્રણ દિવસના રિમાન્ડ મંજૂર
SHARE
JOIN OUR GROUP
મોરબીમાં ખોટા નામથી હોટલમાં રોકાવાના ગુનામાં વધુ એક આરોપીની ધરપકડ: ત્રણ દિવસના રિમાન્ડ મંજૂર
ગુજરાત ભાજપના પ્રદેશ પ્રમુખ સી.આર. પાટીલ પાસે ૮ કરોડની ખંડણી માગનાર શખ્સ મોરબીની હોટલોમાં ખોટા આધાર કાર્ડ રજૂ કરીને ખોટું નામ ધારણ કરીને રોકાયો હતો જેની સામે મોરબી સીટી એ ડિવિઝન પોલીસ સ્ટેશન ખાતે ગુનો નોંધવામાં આવ્યો હતો જે ગુનામાં પોલીસે અત્યાર સુધીમાં બે આરોપીને પકડ્યા હતા હાલમાં વધુ એક આરોપીને પકડેલ છે અને તેને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીના ત્રણ દિવસના રિમાન્ડ મંજૂર કરેલ છે
અગાઉ મોરબી એ ડિવિઝન પોલીસ સ્ટેશન ખાતે અમદાવાદના ઘાટલોડિયા વિસ્તારમાં રાધાસ્વામી રો-હાઉસ ચાણક્યપુરી ખાતે રહેતા જિનેન્દ્ર ભરતભાઈ શાહ (૨૫) અને વિજયસિંહ રાજપુત તથા તપાસમાં ખુલે તેની સામે ગુનો નોંધાયો હતો જે ગુનામાં પહેલા આરોપી જિનેન્દ્ર ભરતભાઈ શાહ અને બાદમાં રાજેન્દ્રસિંહ સુરસંગસિંહ ડાભીની ધરપકડ કરવામાં આવી હતી જો કે, આરોપીએ જિનેન્દ્ર શાહ પોતાની સાચી ઓળખ છુપાવીને જેલ રોડ ઉપર આવેલ જે.કે. હોટલ તથા શનાળા રોડ ઉપર આવેલ મહેશ હોટલ ખાતે રોકાયો હતો અને ત્યારે તેણે નિલેશ નારણભાઈ પોશિયા રહે. જુનાગઢ વાળાનું આધાર કાર્ડ રજૂ કર્યું હતું જેથી આમ ખોટું નામ ધારણ કરીને તથા ખોટું આધાર કાર્ડ રજૂ કરીને નિલેશ પોશિયાના નામથી જ તેણે સહી પણ કરી હતી જે આધાર કાર્ડની વ્યવસ્થા તેને વિજયસિંહ રાજપુતે કરી આપી હતી જે આરોપીની હાલમાં મોરબી એ ડિવિઝન પોલીસે ધરપકડ કરેલ છે અને તેને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીના ત્રણ દિવસના રિમાન્ડ મંજૂર કરલે છે અત્રે ઉલેખનીય છે કે, વિજયસિંહ રાજપુતે મોરબીની હોટલોમાં રોકાયેલા જિનેન્દ્ર શાહના બિલનું પેમેન્ટ ચૂકવ્યું હતું અને તેને મદદ કરી હોવાનું સામે આવ્યું છે
