મોરબીવાસીઓનો વાચનપ્રેમ છલકાયો: બે દિવસીય જ્ઞાનયજ્ઞ પુસ્તક મેળામાં રૂ. ૭ લાખથી વધુની કિંમતના પુસ્તકોનું થયુ વેચાણ સરકારની AGR - 2 યોજના હેઠળ ટંકારાના ખેડૂત દિનેશભાઈ પટેલને કમ્બાઈન્ડ હાર્વેસ્ટરની ખરીદી માટે મળી ૯.૬૦ લાખની સહાય 22 ઓક્ટોમ્બરે મોરબીમાં સૌરાષ્ટ્રભરના ખેડૂતોને સાથે રાખીને કોંગ્રેસ કરશે મહાસભા: હું ચૂંટણી લડવાનો નથી પણ ખેડૂતો માટે લડતો રહીશ: લલિતભાઈ કગથરા મોરબીના મહેન્દ્રનગર ગામેથી સગીરાનું અપહરણ મોરબીના રવાપર નદી ગામે કારખાનાના ક્વાર્ટરમાં યુવાને કર્યો આપઘાત: હળવદના બ્રાહ્મણી ડેમમાં માછીમારીની જાળમાં પગ ફસાઈ જતા પાણીમાં ડૂબી જવાથી યુવાનનું મોત હળવદના જુના દેવડીયા ગામે જુગારની રેડમાં બે પકડાયા, બે ભાગી છૂટ્યા વાંકાનેરમાં જુગાર રમતા ચાર પકડાયા રાજ્યમંત્રી રિવાબા જાડેજાની અધ્યક્ષતામાં વાંકાનેરમાં વિદ્યાર્થીઓનો સન્માન સમારોહ યોજાયો

Breaking news

Morbi Today

મોરબી જિલ્લા પંચાયતમાં પ્રમુખ માટે એક-ઉપપ્રમુખ માટે બે ઉમેદવારી પત્ર ભરાયા: તડજોડનું રાજકારણ શરૂ

12-09-2023 03:04 PM

મોરબી જિલ્લા પંચાયતમાં પ્રમુખ માટે એક-ઉપપ્રમુખ માટે બે ઉમેદવારી પત્ર ભરાયા: તડજોડનું રાજકારણ શરૂ

મોરબી જિલ્લા પંચાયતમાં પ્રમુખ અને ઉપપ્રમુખ સહિતના પદાધિકારીઓની અઢી વર્ષની ટર્મ પૂરી થયેલ છે જેથી કરીને પ્રમુખ અને ઉપપ્રમુખ માટેની ચૂંટણી જાહેર કરવામાં આવી છે ત્યારે પ્રમુખ પદ માટે એક અને ઉપપ્રમુખ પદ માટે બે ઉમેદવારી પત્ર ભરવામાં આવ્યા છે અને બુધવારે મોરબી જીલ્લા પંચાયત કચેરીમાં કલેકટરના અધ્યક્ષ સ્થાને પ્રમુખ અને ઉપપ્રમુખ માટેની ચૂંટણી યોજાશે

મોરબી જિલ્લા પંચાયતમાં પ્રમુખ અને ઉપપ્રમુખ તેમજ જુદીજુદી સમિતિઓની આગામી અઢી વર્ષ માટેના પદાધિકારીઓની વરણી કરવામાં આવશે જેના માટે પ્રમુખનું રોટેશન જાહેર કરવામાં આવ્યું છે અને તેમાં અનુ.જાતી મહિલા અનામત છે જો કોંગ્રેસમાં કોઈ મહિલા અનુજાતિ માંથી ચૂંટાયેલ નથી જેથી કરીને કોંગ્રેસમાંથી કોઈ ઉમેદવારી કરી શકે તેમ નથી જો કે, ભાજપમાંથી મોરબી જિલ્લા પંચાયતના પ્રમુખ પદ માટે હંસાબેન જેઠાભાઈ પારઘીએ ઉમેદવારી પત્ર ભરેલ છે જો કે, ઉપપ્રમુખ પદ માટે ભાજપમાંથી હીરાભાઈ ટમારીયા (બાઘુભાઇ) અને કોંગ્રેસમાંથી મહેશભાઇ પરેજિયા દ્વારા ઉમેદવારી પત્ર ભરવામાં આવેલ છે અને આવતી કાલે બપોરે ૧૨ વાગ્યે મોરબી જિલ્લા પંચાયત કચેરીમાં કલેક્ટર જી.ટી. પંડ્યાના અધ્યક્ષ સ્થાને પ્રમુખ અને ઉપપ્રમુખ માટે ચૂંટણી યોજાશે

જયારે ઉમેદવારી પત્રો ભરવામાં આવ્યા હતા ત્યારે વાંકાનેરના ધારાસભ્ય જીતુભાઈ સોમાણી, માજી મંત્રી બ્રિજેશભાઇ મેરજા, મોરબી જિલ્લા ભાજપના પ્રમુખ રણછોડભાઈ દલવાડી, મહામંત્રી નરેન્દ્રસિંહ ઝાલા, કે.એસ. અમૃતિયા અને જેઠાભાઇ મિયાત્રા, જયુભા જાડેજા, હિરેનભાઈ પારેખ તેમજ જિલ્લા પંચાયતના ચૂંટાયેલા સભ્યો, ભાજપના હોદેદારો સહિતના હાજર રહ્યા હતા તો કોંગ્રેસમાંથી મોરબી જિલ્લા પંચાયતના માજી પ્રમુહ કિશોરભાઇ ચિખલિયા, પ્રદેશ કોંગ્રેસનાં આગેવાન હરદેવસિંહ જાડેજા તેમજ કોંગ્રેસનાં ચૂંટાયેલા સભ્યો હાજર રહ્યા હતા અત્રે ઉલેખનીય છે કે, જિલ્લા પંચાયતની કુલ ૨૪ બેઠકમાંથી ભાજપ પાસે ૧૪ બેઠક છે અને કોંગ્રેસ પાસે ૧૦ બેઠક છે ત્યારે કોંગ્રેસ વિજય મેળવવા માટે અને ભાજપ કોંગ્રેસને રોકવા માટે હાલમાં તડજોડનું રાજકારણ કરે છે તેવું કહીએ તો તેમાં જરાપણ અતિશયોક્તિ નથી