મોરબીના લાલપર પાસેથી દારૂ ભરેલ કાર સાથે એક શખ્સ પકડાયો, મહિલા સહિત બે આરોપીની શોધખોળ

મોરબી તાલુકાના લાલપર ગામના ગેટ પાસેથી પસાર થતી કારને રોકીને એલસીબીની ટીમ દ્વારા ચેક કરવામાં આવી હતી ત્યારે કારમાંથી ૫૦૦ લીટર દેશી દારૂનો જથ્થો મળી આવ્યો હતી જેથી પોલીસે દારૂ અને કાર મળીને કુલ ૮૫ હજાર રૂપિયાની કિંમતના મુદામાલને કબજે કર્યો હતો અને હાલમાં એક આરોપીની ધરપકડ કરેલ છે તેમજ માલ મોકલાવનાર અને મંગાવનારના નામ સામે આવેલ છે જેથી તે બંનેની સામે પણ ગુનો નોંધીને પોલીસે આરોપીઓને પકડવા માટે તજવીજ શરૂ કરેલ છે

જાણવા મળતી વિગત પ્રમાણે મોરબી એલસીબીની ટીમ પેટ્રોલિંગમાં હતી ત્યારે મોરબી વાંકાનેર નેશનલ હાઈવે ઉપર આવેલા લાલપર ગામના ગેટ પાસેથી કાર નંબર જીજે ૧૫ સીએ ૩૬૭૨ પસાર થઈ રહી હતી ત્યારે તે કારને રોકીને પોલીસ દ્વારા ચેક કરવામાં આવતા તેમાંથી કુલ મળીને ૫૦૦ લીટર દેશી દારૂનો જથ્થો મળી આવતા ૧૦,૦૦૦ રૂપિયાની કિંમતનો દારૂ તથા ૭૫ હજાર રૂપિયાની કિંમતની કાર આમ કુલ મળીને ૮૫ હજાર રૂપિયાની કિંમતના મુદ્દામાલ સાથે પોલીસે જયરાજ ગબરુભાઈ ગોવાળિયા જાતે કાઠી (૨૫) રહે પંચનાથ સોસાયટી શેરી નં-૨ ચોટીલા વાળાની ધરપકડ કરેલ છે અને તેની પાસેથી માલ મોકલાવનાર મંગળુભાઈ બહાદુરભાઇ ગોવાળિયા રહે. ચોટીલા અને માલ મંગાવનાર સોનલ ઉર્ફે સોનકી અબ્બાસ કટિયા રહે. માળિયા વનાળીયા મોરબી વાળાના નામ સામે આવ્યા હોય તે બંનેને પકડવા માટે તજવીજ શરૂ કરેલ છે અને મોરબી તાલુકા પોલીસ સ્ટેશન ખાતે ગુનો નોંધવામાં આવેલ છે