મોરબી એલસીબી-તાલુકા પોલીસે લોકોના પડી કે ખોવાઈ ગયેલા ૬૬ મોબાઈલ ફોન શોધી કાઢ્યા

મોરબી શહેર અને જીલ્લામાં લોકોના પડી ગયેલ કે પછી ખોવાયેલ મોબાઇલ ફોનની અરજીઓ આવી હતી જેના આધારે મોરબી એલ.સી.બી. તથા મોરબી તાલુકા પોલીસે મોબાઈલ શોધવા માટે કવાયત શરૂ કરી હતી અને છેલ્લા દિવસોમાં ૬૬ નંગ મોબાઈલ ફોન શોધી કાઢેલ છે અને આમ ૧૦,૫૫,૦૪૧ ના મોબાઇલ ફોન શોધીને મૂળ મલીકને આપેલ છે

મોરબીમાં લોકોના કિંમતી મોબાઇલ ફોન ચાલુ વાહન પડી ગયેલ હોય કે પછી પબ્લીક ટ્રાન્સપોટેશનમાં ભુલાઇ ગયેલ હોય કે કોઇ ચિજ વસ્તુની ખરીદી કરતી વખતે દુકાન, લારી ખાતે ભુલી ગયેલ હોય તેવિ અરજીઓ મળી હતી જેના આધારે પોલીસે મોબાઇલને શોધવા માટે ટેકનિકલ ટીમને કામે લગાડી હતી અને છેલ્લા દિવસોમાં મોરબી એલ.સી.બી. તથા મોરબી તાલુકા પોલીસ સ્ટાફ દ્વારા ટેકનીકલ માધ્યમ તથા ફિલ્ડવર્કથી લોકોના અલગ અલગ કંપનીના એન્ડ્રોઇડ મોબાઇલ કે જેમાં મોરબી તાલુકા પોલીસ દ્વારા ૨૪ નંગ મોબાઇલ ફોન જેની કિંમત ૩,૬૦,૦૦૦ તથા મોરબી એલ.સી.બી. દ્વારા ૪૨ નંગ મોબાઇલ ફોન જેની કિંમત ૬,૯૫,૦૪૧ ના મળી કુલ ૬૬ નંગ મોબાઇલ ફોન જેની કુલ કિંમત ૧૦,૫૫,૦૪૧ ના મોબાઇલ ફોન શોધીને મૂળ મલીકને પરત આપેલ છે આ કામગીરી એલસીબીના પીઆઇ ડી.એમ.ઢોલ અને તાલુકા પીઆઇ કે.એ. વાળાની સૂચના મુજબ કરવામાં આવી હતી