મોરબી નજીક યુવાનને બંને પગ, કમર અને ગુપ્ત ભાગે ઇજા કરીને મોત નિપજાવનાર ટ્રક ચાલક ઝડપાયો
Morbi Today
મોરબીના નાગલપર પાસેથી બંદૂક સાથે પકડાયેલા શખ્સને હથિયાર આપનારની શોધખોળ
SHARE
JOIN OUR GROUP
મોરબીના નાગલપર પાસેથી બંદૂક સાથે પકડાયેલા શખ્સને હથિયાર આપનારની શોધખોળ
મોરબી તાલુકાના નાગલપર ગામની સીમમાં આવેલ ખારા તરીકે ઓળખાયા વેણમાંથી દેશી બનાવટની જામગરી બંદૂક સાથે એક શખ્સ મળી આવ્યો હતો જેથી પોલીસે બે હજાર રૂપિયાની કિંમતનું હથિયાર કબજે કર્યું હતું અને મોરબી તાલુકા પોલીસ સ્ટેશન ખાતે ગુનો નોંધી આગળની રાબેતા મુજબની કાર્યવાહી હાથ ધરી હતી અને આરોપીના એક દિવસના રિમાન્ડ દરમ્યાન હથિયાર આપનારનું નામ સામે આવ્યું છે જેથી તેને પકડવા માટે તજવીજ શરૂ કરેલ છે
મોરબી તાલુકાના નાગલપર ગામની સીમમાં એક શખ્સને રોકીને પોલીસે ચેક કર્યો હતો ત્યારે તેની પાસેથી દેશી બનાવટની જામગરી એક બંદૂક મળી આવી હતી જેથી પોલીસે બે હજાર રૂપિયાની કિંમતનું હથિયાર કબજે કર્યું હતું અને કિશોરભાઈ હીરાભાઈ રૂદાતલા જાતે કોળી (૪૪) રહે. અમરાપર તાલુકો મોરબી વાળાની ધરપકડ કરેલ હતી અને તેની સામે મોરબી તાલુકા પોલીસ સ્ટેશન ખાતે ફરિયાદ નોંધીને પોલીસે આગળની કાર્યવાહી કરી હતી અને આરોપીને રિમાન્ડની માંગણી સાથે કોર્ટમાં રજૂ કરવામાં આવતા એક દિવસના રિમાન્ડ મંજૂર કરેલ હતા દરમ્યાન તેને આ હથિયાર નાની વાવડી ગામે રહેતા દિગુભા જાડેજા પાસેથી મળ્યું હોવાનું સામે આવ્યું હતું જેથી તપાસનીસ અધિકારી પી.એસ.આઇ. વી.જી. જેઠવા અને તેની ટીમ આરોપીને પકડવા માટે તજવીજ કરી રહી છે અને અગાઉ પકડાયેલ આરોપીના રિમાન્ડ પૂરા થતાં તેને કોર્ટમાં રજૂ કરવામાં આવ્યો હતો અને તે જમીન મુક્ત થયેલ છે
