હળવદના ઘનશ્યામગઢ ગામે નીકળેલ વૃદ્ધની ઇંગોરાળા પાસે વોકળામાંથી લાશ મળી

હળવદ તાલુકાના ઇંગોરાળા ગામની સીમમાં આવેલ વોકળામાંથી વૃદ્ધની મરણ ગયેલી હાલતમાં લાશ મળી હતી જેથી કરીને તેના મૃતદેહને તેના જમાઈ હળવદની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે હળવદ તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી વિગત પ્રમાણે હળવદ તાલુકાના ઘનશ્યામગઢ ગામે રહેતા વૃદ્ધ ગુજરીયાભાઇ તલ્યાભાઇ ધાણુક (૭૦) નામના વૃદ્ધની ઇંગોરાળા ગામની સીમા પાણીના વોકળામાંથી મરણ ગયેલી હાલતમાં લાશ મળી આવી હતી જેથી કરીને તેના ડેડબોડીને તેઓના જમાઈ પારસીંગ નાયકાભાઇ હળવદની સરકારી હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે તેને મૃત જાહેર કર્યા બાદ આ બનાવની હળવદ તાલુકા પોલીસને જાણ કરી હતી જેથી કરીને પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે અને જો કે, મૃતકના પરિવારજન સાથે વાત કરતા તેમણે જણાવ્યું હતું કે, મૃતક વૃદ્ધ છેલ્લા પાંચેક દિવસથી ઘરેથી બજારમાં જાઉં છું એવું કહીને નીકળ્યા હતા અને ત્યારબાદ તેની ડેડબોડી ઇંગોરાળા પાસે પાણીના વોકળામાંથી મળી આવેલ છે જેથી આ અંગેની પોલીસે નોંધ કરીને રાબેતા મુજબની કાર્યવાહી હાથ ધરેલ છે

માર માર્યો

મોરબીના ઘુટુ રોડ ઉપર આવેલ સિમપોલો સીરામીકમાં રહેતો અને ત્યાં મજૂરી કામ અંદૂરી વિવેક મૌર્ય (૨૫) નામનો યુવાન લેબર કવાર્ટર પાસે હતો ત્યારે ત્યાં તેને કોન્ટ્રાક્ટર રાકેશ અને તેના માણસ ગુલાબસિંહે તેને માર માર્યો હતો જેથી કરીને ઈજા પામેલ વ્યક્તિને સારવાર માટે મોરબીની શિવમ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

અકસ્માતમાં ઇજા

મોરબીની લીલાપર ચોકડી પાસે અકસ્માતનો બનાવ બન્યો હતો જેમાં લીખીબેન નરસીભાઈ પરમાર (૬૦) નામના વૃદ્ધાને ઈજાઓ થઈ હતી જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને વધુ તપાસ મોરબી તાલુકા પોલીસ સ્ટેશનના એન.જે. ખડીયા ચલાવી રહ્યા છે