મોરબીના યમુનાનગરમાં જુગાર રમતા ત્રણ મહિલા સહિત ચાર જુગારી પકડાયા

મોરબીના નવલખી રોડ ઉપર યમુનાનગરમાં જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે ત્રણ મહિલા સહિત કુલ ચાર વ્યક્તિઓ જુગાર રમતા મળી આવ્યા હતા જેથી પોલીસે ૨૦૫૦ રૂપિયાની રોકડ કબજે કરી હતી અને તેની સામે જુગારધારા હેઠળ ગુનો નોધી આગળની કાર્યવાહી હાથ ધરેલ છે

બનાવની જાણવા મળતી માહિતી મુજબ મોરબીના નવલખી રોડે આવેલ યમુનાનગર શેરી નંબર ત્રણ માં જાહેરમાં જુગાર રમતા હોવાની મોરબી બી ડિવિઝન પોલીસને હક્કિત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપર જુગાર રમતા અશ્વિનસિંહ દોલુભા ઝાલા જાતે દરબાર (૪૫), જયશ્રીબેન દિલીપભાઈ સારલા જાતે કોળી (૩૯), રંજનબેન મનસુખભાઈ સારલા (૪૬) રહે. ત્રણેય યમુનાનગર અને વનિતાબેન ભરતભાઈ સારલા (૪૫) રહે. નવલખી રોડ રોકડીયા હનુમાનની સામે મોરબી વાળા જુગાર રમતા મળી આવ્યા હતા જેથી પોલીસે તેની પાસેથી ૨૦૫૦ રૂપિયાની રોકડ કબજે કરી હતી અને જુગારધારા હેઠળ મોરબી બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરેલ છે

અકસ્માતમાં ઇજા

હળવદ તાલુકાના મયુરનગર ગામે રહેતા રાકેશભાઈ શેખાભાઈ કલોતરા જાતે રબારી (૧૯)એ સેન્ટ્રો કાર નંબર જીજે ૯ બીબી ૫૯૭૯ ના ચાલક સામે હળવદ તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, રાયસંગપુર ગામ થી હળવદ બાજુ જતા રસ્તા ઉપરથી આરોપી તેની સેન્ટ્રો કાર લઈને પસાર થયો હતો ત્યારે તેને ફરિયાદીના બાઈક નંબર જીજે ૩૬ એએચ ૯૪૦૭ ને સામેથી આવીને ટક્કર મારી હતી જેથી ફરિયાદીને જમણા પગમાં બે ફ્રેકચર થયેલ છે તથા શરીર નાના મોટી ઈજા થાય છે તેમજ બાઈકમાં તેની સાથે બેઠેલા અન્ય એક વ્યક્તિને પણ ઇજા થયેલ હતી જેથી કરીને સારવાર લીધા બાદ રાકેશભાઈ કલોતરાએ નોંધાવેલ ફરિયાદ આધારે પોલીસે કાર ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે