વાંકાનેરના લુણસરિયા પાસેથી દારૂ ભરેલ ગાડીનો અકસ્માત, બે લાખથી વધુનો મુદામાલ કબ્જે: એકની ધરપકડ, એકની શોધખોળ
SHARE
JOIN OUR GROUP
વાંકાનેરના લુણસરિયા પાસેથી દારૂ ભરેલ ગાડીનો અકસ્માત, બે લાખથી વધુનો મુદામાલ કબ્જે: એકની ધરપકડ, એકની શોધખોળ
વાંકાનેર તાલુકાના લુણસરિયા ગામ પાસે દેશી દારૂ ભરેલ ઈકો ગાડી સુરાપુરાના ઓટલા સાથે અથડાઈ હતી જેથી કરીને અકસ્માતનો બનાવ બન્યો હતો અને ત્યારબાદ પોલીસે તે વાહનને ચેક કરતા તેમાંથી ૧૭૫ લિટર દેશી દારૂનો જથ્થો મળી આવતા પોલીસે દારૂ અને ગાડી સહિત ૨,૦૩,૫૦૦ ના મુદ્દામાલ સાથે એક શખ્સની ધરપકડ કરેલ છે અને અન્ય એક શખ્સ નાસી ગયો હોય તેને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ વાંકાનેર તાલુકાના લુણસરિયા ગામ પાસે આવેલા હનુમાનજીના મંદિર પાસે સુરાપુરાના ઓટલા સાથે ઇકો ગાડી નંબર જીજે ૩ કેએચ ૪૭૮૨ અથડાઈ હતી જેથી કરીને અકસ્માતનો બનાવ બન્યો હતો અને જેથી કરીને પોલીસે અકસ્માત થયેલ ગાડીને ચેક કરી હતી ત્યારે તેમાંથી ૧૭૫ લિટર દેશી દારૂનો જથ્થો મળી આવ્યો હતો માટે પોલીસે બે લાખની ગાડી અને ૩૫૦૦ ની કિંમતનો દારૂ આમ કુલ મળીને ૨,૦૩,૫૦૦ ના મુદ્દામાલ સાથે ઇકો ગાડીના ચાલક કમલેશભાઈ ધીરુભાઈ ઉઘરેજીયા જાતે દેવીપુજક (૧૯) રહે. ડાકવડલા કોળી પટેલવાસ શેરી નં-૨ તાલુકો ચોટીલા વાળાની ધરપકડ કરેલ છે અને લાલો કોળી રહે. ખાટલી તાલુકો ચોટીલા વાળો નાસી ગયો હોય તેને પકડવા માટે તજવીજ શરૂ કરી છે
એક બોટલ દારૂ
મોરબીના સનાળા ગામે તળાવ પાસેથી એક શખ્સ પસાર થઈ રહ્યો હતો ત્યારે તેની પાસેથી દારૂની એક બોટલ મળી આવતા પોલીસે ૩૦૦ ની કિંમતની દારૂની બોટલ સાથે પ્રવીણભાઈ રતિલાલ છત્રોલા જાતે પટેલ (૪૮) રહે. રવાપર તળાવના કાંઠે ગોલ્ડન માર્કેટ પાછળ મોરબી વાળાની ધરપકડ કરેલ છે અને તેની પાસેથી મળી આવેલ દારૂની બોટલ તે કોની પાસેથી લાવ્યો હતો તે દિશામાં પોલીસે તપાસ શરૂ કરી છે
