મોરબીમાં સમસ્ત બ્રહ્મસમાજ દ્વારા પરશુરામ ધામ ખાતે શસ્ત્ર-શાસ્ત્ર પૂજન કરાયુ
Morbi Today
વાંકાનેરના વાંકીયા રોડે શાળા પાસે જાહેરમાં જુગાર રમતા ચાર જુગારી પકડાયા
SHARE
JOIN OUR GROUP
વાંકાનેરના વાંકીયા રોડે શાળા પાસે જાહેરમાં જુગાર રમતા ચાર જુગારી પકડાયા
વાંકાનેર નજીક આવેલ રાતીદેવડી ગામે વાંકીયા રોડ ઉપર આવેલ સરકારી શાળા પાસે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે રોડ ઉપર જુગાર રમતા ચાર શખ્સો મળી આવ્યા હતા જેથી પોલીસે તેની પાસેથી ૨૨,૮૦૦ ની રોકડ કબજે કરી હતી અને વાંકાનેર સીટી પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે
બનાવની જાણવા મળતી માહિતી મુજબ વાંકાનેર તાલુકાના રાતીદેવરી ગામે વાંકીયા રોડ ઉપર આવેલ સરકારી શાળા પાસે જાહેરમાં જુગાર રમતા હોવાની હકીકત મળી હતી જેના આધારે સ્થાનિક પોલીસ દ્વારા ત્યાં જુગારની રેડ કરવામાં આવી હતી ત્યારે સ્થળ ઉપરથી જુગાર રમતા કલ્પેશભાઈ અમૃતભાઈ વોરા (૩૫), નાથાભાઈ લાલજીભાઈ મદ્રેસાણીયા (૩૭), કિશોરભાઈ હેમંતભાઈ વોરા (૪૦) અને પ્રવીણસિંહ ધીરુભાઈ ઝાલા (૫૯) રહે. બધા જૂની રાતીદેવરી વાળા જુગાર રમતા મળી આવ્યા હોય પોલીસે તેની પાસેથી ૨૨,૮૦૦ ની રોકડ કબજે કરી હતી અને વાંકાનેર સીટી પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે
દારૂ ભરેલ રિક્ષા
મોરબીના બાયપાસ રોડ ઉપર આવેલ દલવાડી સર્કલ પાસે ઝૂંપડા નજીક ઉભેલ સીએનજી રીક્ષા નંબર જીજે ૧૩ વાય ૪૭૪૭ ને પોલીસ દ્વારા ચેક કરવામાં આવતા તેમાંથી ૧૫૦ લીટર દેશી દારૂનો જથ્થો મળી આવ્યો હતો જેથી કરીને પોલીસે ૩૦૦૦ ની કિંમતનો દારૂ તથા સીએનજી રીક્ષા સહિતનો મુદામાલ કબજે કર્યો હતો અને આરોપી વિનોદભાઈ રાયધનભાઈ પગી જાતે કોળી (૨૨) રહે ૨૫ વારિયા દલવાડી સર્કલ પાસે મોરબી વાળાની ધરપકડ કરી હતી અને સીએનજી રીક્ષાનો ચાલક સ્થળ ઉપર હાજર ન હોય તેની સામે ગુનો નોંધી તેને પકડવા માટે તજવીજ શરૂ કરી છે
મારામારી
મોરબી તાલુકાના પાનેલી ગામે મારામારીનો બનાવ બન્યો હતો જેમાં નવઘણભાઈ કેશાભાઈ ચંદેસેણીયા (૨૯) નામના યુવાનને ઇજા થઈ હતી જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને મોરબી તાલુકા પોલીસને બનાવની જાણ કરતા પોલીસે બનાવી નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ ફિરોજભાઈ સુમરા ચલાવી રહ્યા છે
