ટંકારામાં એક જ આરોપીને બે અલગ અલગ ચેક રિટર્ન કેશમાં એક વર્ષની સજા ફટકારતી કોર્ટ
Morbi Today
માળીયા (મી)ના માણાબા ગામના પાટીયા પાસે બોલેરો ચાલકે એક્ટિવાને હડફેટે લેતા અકસ્માત: યુવાન સારવારમાં
SHARE
JOIN OUR GROUP
માળીયા (મી)ના માણાબા ગામના પાટીયા પાસે બોલેરો ચાલકે એક્ટિવાને હડફેટે લેતા અકસ્માત: યુવાન સારવારમાં
માળીયા અમદાવાદ હાઈવે ઉપર માણાબા ગામના પાટીયા પાસે બોલેરો ગાડીના ચાલકે એકટીવાને હડફેટ લીધું હતું જેથી કરીને અકસ્માતમાં બનાવ બન્યો હતો અને એકટીવા લઈ જઈ રહેલા યુવાને ગંભીર ઇજા થયેલ હોવાથી તેને સારવાર માટે લઈને આવ્યા હતા અને ત્યારબાદ તેના પિતાએ નોંધાયેલ ફરિયાદ આધારે હાલમાં પોલીસે બોલેરો ગાડીના ચાલક સામે ગુનો નોંધી આવેલી કાર્યવાહી હાથ ધરી છે
બનાવની જાણવા મળતી વિગત પ્રમાણે મોરબીના સામાકાંઠા વિસ્તારમાં હાઉસિંગ બોર્ડની પાછળના ભાગમાં આવેલ સૂર્યકૂર્તિ સોસાયટીમાં રહેતા મુકેશભાઈ લખમણભાઇ ડાંગર જાતે આહિર (૪૫)એ માળીયા મીયાણા તાલુકા પોલીસ સ્ટેશન ખાતે બોલેરો પિકઅપ ગાડી નંબર જીજે ૧૫ એવી ૪૯૦૭ ના ચાલક સામે ફરિયાદ નોંધાવેલ છે જેમાં તેણે જણાવ્યું છે કે, તેનો દીકરો જયરાજ મુકેશભાઈ ડાંગર (૨૧) તેનું એકટીવા નંબર જીજે ૩૬ એએચ ૨૬૦૦ લઈને માણાબા ગામના પાટીયા પાસે ઘોડાધ્રોઈ નદીના પુલ ઉપરથી પસાર થઈ રહ્યો હતો ત્યારે રોંગ સાઈડમાં બોલેરો ગાડીના ચાલકે આવીને બેદરકારીથી પોતાનું વાહન ચલાવીને એકટીવાને હડફેટે લીધું હતું જેથી કરીને અકસ્માતનો બનાવ બન્યો હતો તેમાં જયરાજ મુકેશભાઈ ડાંગરને માથા, હાથ, પગ અને સાથળના ભાગે ગંભીર ઇજા થઈ હોવાથી તેને સારવાર માટે લઈ ગયા હતા અને ત્યારબાદ હાલમાં ઇજાગ્રસ્ત યુવાનના પિતાએ નોંધાવેલ ફરિયાદ આધારે પોલીસ આગળની રાબેતા મુજબની કાર્યવાહી હાથ ધરી હતી
એક બોટલ દારૂ
મોરબીના વેજીટેબલ રોડ ઉપર આવેલ ભાગ્ય લક્ષ્મી સોસાયટીના નાકા પાસેથી પસાર થઈ રહેલા શખ્સને રોકીને પોલીસ ચેક કર્યો હતો ત્યારે તેની પાસેથી દારૂની એક બોટલ મળી આવી હતી જેથી કરીને પોલીસે ૩૭૫ ની કિંમતની દારૂની બોટલ સાથે સુરેશભાઈ ભુપતભાઈ રાઠોડ જાતે રજપૂત (૩૬) રહે. ભાગ્યલક્ષ્મી સોસાયટી સરકારી સ્કૂલની બાજુમાં વેજીટેબલ રોડ મોરબી વાળાની ધરપકડ કરી છે અને મોરબી બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
