વાંકાનેરના મહીકા ગામે વાડીએ ઝેરી દવા પી ગયેલા યુવાનનું સારવારમાં મોત

વાંકાનેર તાલુકાના મહીકા ગામે વાડીએ રહીને મજૂરી કામ કરતો યુવાન કોઈ કારણોસર ઝેરી દવા પી ગયો હતો જેથી કરીને તેને પ્રાથમિક સારવાર વાંકાનેરમાં આપીને વધુ સારવાર માટે રાજકોટની સરકારી હોસ્પિટલ ખાતે લઈ જવામાં આવ્યો હતો અને ત્યાં સારવાર દરમિયાન તેનું મોત નીપજયું હતું જેથી આ બનાવની હોસ્પિટલ મારફતે વાંકાનેર પોલીસને જાણ કરવા માટેની કવાયત કરવામાં આવી છે

બનાવની જાણવા મળતી માહિતી મુજબ વાંકાનેર નજીક આવેલ મહિકા ગામે મંજૂરભાઈ બાદીની વાડીએ રહેતા અને મજૂરી કામ કરતા બબલુ ઘૂમસિંગ ઘારવા (૨૮) નામના યુવાને કોઈ કારણોસર વાડીએ હતો ત્યારે ત્યાં ઝેરી દવા પી લીધી હતી જેથી કરીને તેને પ્રાથમિક સારવાર માટે વાંકાનેરની હોસ્પિટલમાં લઈને આવ્યા હતા અને ત્યાં પ્રાથમિક સારવાર આપીને વધુ સારવાર માટે તેને રાજકોટની સરકારી હોસ્પિટલ ખાતે લઈ જવામાં આવ્યો હતો જો કે સારવાર દરમિયાન તે યુવાનનું મોત નીપજયું હતું જેથી કરીને આ બનાવની રાજકોટની સરકારી હોસ્પિટલ મારફતે વાંકાનેર પોલીસને જાણ કરવા માટેની કવાયત કરવામાં આવી છે

બાઇક સ્લીપ

મોરબી તાલુકાના ખાનપર ગામે રહેતા બચુભાઈ માધાભાઈ ભીમાણી બાઇકમાં મહાદેવ મંદિરે જઈ રહ્યા હતા ત્યારે બાઇક સ્લીપ થઈ જવાના કારણે અકસ્માતમાં બનાવ બન્યો હતો અને આ બનાવમાં બચુભાઈ ભીમાણીને ઇજાઓ થઈ હોવાથી ઇજાગ્રસ્તને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી હતી અને આ બનાવની આગળની વધુ તપાસ એસ.વી. સોલંકી ચલાવી રહ્યા છે

ફિનાઇલ પીધું

મોરબીના ઘુટુ રોડ ઉપર આવેલ રામકો સોસાયટી ખાતે રહેતા મેરુ હિંમતભાઈ પંચાસરા (૨૭) નામના યુવાને પોતે પોતાના ઘરે હતો ત્યારે કોઈ કારણોસર ફીનાઇલ પી લીધું હતું જેથી કરીને તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ મોરબી તાલુકા પોલીસ સ્ટેશન ખાતે ફરજ બજાવતા જે.પી. વાસીયાણી ચલાવી રહ્યા છે