વાંકાનેરના માટેલ-જામસર રોડ ઉપરથી ૨૪ બોટલ દારૂ ભરેલ કાર સાથે એક શખ્સની ધરપકડ
Morbi Today
માળીયા (મી)ના ખીરઈ પાસે સોલર પ્લાન્ટમાંથી જેટકો સુધી પાવર લઈ જવા પાથરેલ વાયરની ચોરી
SHARE
JOIN OUR GROUP
માળીયા (મી)ના ખીરઈ પાસે સોલર પ્લાન્ટમાંથી જેટકો સુધી પાવર લઈ જવા પાથરેલ વાયરની ચોરી
માળીયા મીયાણા તાલુકાના ખીરઈ ગામ પાસે આવેલ સોલર પ્લાન્ટમાંથી જેટકોને પાવર સપ્લાય કરવા માટે થઈને કોન્ટ્રાક્ટર દ્વારા પાથરવામાં આવેલ વાયરમાંથી ૩૦ હજાર રૂપિયાની કિંમતના એલ્યુમિનિયમના વાયરની ચોરી કરવામાં આવેલ છે જેથી કરીને કોન્ટ્રાક્ટર દ્વારા હાલમાં માળીયા મીયાણા તાલુકા પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ મોરબીના શનાળા રોડે આવેલ ચંદ્રનગરની બાજુમાં યદુનંદન-૧૯ શેરી નં-૨ ખાતે રહેતા કોન્ટ્રાક્ટર દિલીપભાઈ બચુભાઈ મોકાસણા જાતે પટેલ (૪૮)એ અજાણ્યા શખ્સની સામે હાલમાં માળીયા મિયાણા તાલુકા પોલીસ સ્ટેશન ખાતે ચોરીની ફરિયાદ નોંધાવેલ છે જેમાં જણાવ્યુ છે કે, માળિયા મીયાણા તાલુકાના ખીરઈ ગામ પાસે એલાઈવ કંપનીનો સોલાર પ્લાન્ટ આવેલ છે અને તે સોલાર પ્લાન્ટમાં ઉત્પન્ન થતા પવારને જેટકોના પાવર સ્ટેશન સુધી પહોંચાડવા માટે વાયર પાથરવામાં આવેલ છે તેમાંથી બે થાંભલા વચ્ચેનો એલ્યુમિનિયમ વાયર આશરે અઢીસો મીટર જેની કિંમત ૨૦,૦૦૦ રૂપિયા તેમજ જમીનમાં નાખેલ એલ્યુમિનિયમનો કોપર લેયરનો વાયર ૨૦ મીટર જેની કિંમત ૧૦,૦૦૦ રૂપિયા આમ કુલ મળીને ૩૦ હજાર રૂપિયાની કિંમતના વાયરની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને હાલમાં કોન્ટ્રાક્ટર દ્વારા અજાણ્યા શખ્સની સામે માળિયા તાલુકા પોલીસ સ્ટેશન ખાતે ચોરીની ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
