વાંકાનેરના માટેલ-જામસર રોડ ઉપરથી ૨૪ બોટલ દારૂ ભરેલ કાર સાથે એક શખ્સની ધરપકડ

વાંકાનેર તાલુકાના માટેલથી જામસર ચોકડી તરફ જવાના રસ્તા ઉપરથી પસાર થતી કારને રોકીને પોલીસ દ્વારા ચેક કરવામાં આવતા તે કારમાંથી દારૂની ૨૪ બોટલો મળી આવી હતી જેથી કરીને પોલીસે દારૂ અને કાર મળીને ૩.૦૯ લાખના મુદ્દામાલને કબજે કર્યો હતો અને એક આરોપીની ધરપકડ કરી વાંકાનેર તાલુકા પોલીસ સ્ટેશન ખાતે ગુનો નોંધીને આગળની રાબેતા મુજબની કાર્યવાહી હાથ ધરવામાં આવી છે

બનાવની જાણવા મળતી માહિતી મુજબ વાંકાનેર તાલુકા પોલીસની ટિમ પેટ્રોલિંગમાં હતી ત્યારે માટેલ ગામથી જામસર ચોકડી તરફ જવાના રસ્તા ઉપરથી હુન્ડાઈ આઈ-૨૦ કાર નંબર જીજે ૩ એલજી ૨૨૪૩ પસાર થઈ રહી હતી જે કારને રોકીને પોલીસ દ્વારા તે કારને ચેક કરવામાં આવી હતી ત્યારે કારમાંથી દારૂની ૨૪ બોટલો મળી આવી હતી જેથી કરીને પોલીસે ૯૦૦૦ રૂપિયાની કિંમતનો દારૂ તથા ત્રણ લાખ રૂપિયાની કિંમતની કાર આમ કુલ મળીને ૩.૦૯ લાખનો મુદામાલ કબજે કર્યો હતો અને આરોપી મુકુંદભાઈ બાબુભાઈ શ્રીમાળી જાતે અનુ. જાતિ (૩૫) રહે. મારુતિ નંદન સોસાયટી અંબુજા સિમેન્ટ સામે થાનગઢ જીલ્લો સુરેન્દ્રનગર વાળાની ધરપકડ કરેલ છે અને વાંકાનેર તાલુકા પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરવામાં આવી છે અને આ શખ્સ પાસેથી મળી આવેલ દારૂની બોટલો તે કોની પાસેથી લાવ્યો હતો અને કોને આપવા જઈ રહ્યો હતો તે દિશામાં પોલીસે તપાસ હાથ ધરી છે