માળીયા (મી)ના રોહીશાળા નજીક રેલવે ટ્રેક ઉપર ટ્રેન હડફેટે ચડી જતા અજાણ્યા યુવાનનું મોત
Morbi Today
માળિયા (મી)ના વાઘરવા પાસે ત્રિપાલ સવારી સ્કૂટરને હડફેટે લઇને યુવાનનું મોત નિપજાવનાર ટ્રક ટ્રેલરના ચાલક સામે ગુનો નોંધાયો
SHARE
JOIN OUR GROUP
માળિયા (મી)ના વાઘરવા પાસે ત્રિપાલ સવારી સ્કૂટરને હડફેટે લઇને યુવાનનું મોત નિપજાવનાર ટ્રક ટ્રેલરના ચાલક સામે ગુનો નોંધાયો
માળિયા મિયાણાં તાલુકાના વાઘરવા ગામ નજીક બુધવારે રાતના સમયે પેટ્રોલ પંપમાંથી સ્કૂટરમાં પેટ્રોલ ભરાવીને ત્રિપાલ સવારીમાં ત્રણ યુવાનો જઈ રહ્યા હતા ત્યારે ટ્રક ટ્રેલરના ચાલકે તેના વાહનને હડફેટે લીધું હતું જેથી કરીને એકનું મોત નીપજયું હતું અને બે યુવાનોને ઇજા થઇ હતી જે બનાવમાં મૃતકના ભાઈએ ટ્રક ટ્રેલર ના ચાલક સામે ફરિયાદ નોંધાવતા પોલીસે ગુનો નોંધી આરોપીને પકડવા તજ શરૂ કરી છે
જાણવા મળતી માહિતી મુજબ માળિયાના હરીપર ગામના રહેવાસી સલીમ અકબર ભુવડ (૩૫) જાતે ઘાંચી, મુકેશ રાયસિંગભાઈ (૩૮) રહે. મૂળ પંચમહાલ હાલ રહે વધારવા અને દશરથ ઘેલાભાઈ સોલંકી (૩૮) રહે. મૂળ સાણંદ હાલ રહે. વધારવા વાળા એકટીવામાં ત્રિપાલ સવારીમાં જઈ રહ્યા હતા ત્યારે વાધરવા ગામ નજીક પેટ્રોલ પંપમાં સ્કૂટરમાં પેટ્રોલ ભરાવીને રોડ ઉપર આવી રહ્યા હતા ત્યારે ટ્રક ટ્રેલર નં આરજે ૧૪ જીઇ ૫૩૭૮ ના ચાલકે તેને સ્કૂટરને હડફેટે લીધું હતું જેથી કરીને અકસ્માતના બનાવમાં એક્ટિવા ઉપર જઈ રહેલા સલીમ અકબર ભુવડ જાતે ઘાંચી (૩૫)ને વધુ ઇજા થયેલ હતી જેથી તેનું મોત નીપજયું હતું જો કે, બીજા બંને ઇજાગ્રસ્તોને સારવાર માટે હોસ્પિટલે લઈ જવામાં આવ્યા હતા હાલમાં આ બનાવની માળીયા તાલુકા પોલીસ સ્ટેશને મૃતક યુવાનના ભાઈ ફિરોજભાઈ અકબરભાઈ ભુવડ જાતે ઘાંચી (૨૯) રહે હરીપર તાલુકો માળિયા વાળાએ ફરિયાદ નોંધાવતા પોલીસે ગુનો નોંધે ટ્રક ટેલરના ચાલકને પકડવા માટે તજવીજ શરૂ કરી છે
