વાંકાનેરના નાગલપર ગામે સરકારી શાળામાં ટ્વિનિગ પાર્ટનરશીપ કાર્યક્રમ યોજાયો

વાંકાનેર તાલુકાનાં જામસર સીઆરસી ની શ્રી   નાગલપર પ્રા. શાળા અને સમથેરવા પ્રા. શાળા વચ્ચે ટ્વિનિગ પાર્ટનરશીપ કાર્યક્રમનું શ્રી નાગલપર પ્રા.શાળા ખાતે આયોજન કરવામાં આવ્યું હતું જેમાં જામસર સીઆરસી ચૌહાણ નરેન્દ્રસિંહ એસ., તાલુકા શાળાના આચાર્ય સોલંકી વિનોદભાઈ અને મકતાનપર પ્રા.શાળા આચાર્ય અતુલભાઈ કારીયાના હસ્તે દીપ પ્રાગટ્ય કરી કાર્યક્રમની શરૂઆત કરવામાં આવી હતી જેમાં ટ્વિનિગ પાર્ટનરશીપ અંતર્ગત શિક્ષકો દ્વારા જુદી-જુદી એક્ટિવિટી કરવામાં આવેલ હતી અને તેમાં ધો. ૬ થી ૮ ના બાળકોએ ખૂબ ઉત્સાહપૂર્વ ભાગ લીધો હતો અને ભાગ લીધેલ તમામ બાળકોને ઈનામ આપી પ્રોત્સાહિત કરવામાં આવ્યા હતા આ કાર્યક્રમનું આયોજન શ્રી નાગલપર પ્રા.શાળા આચાર્ય નિનામા ચંપાબેન જી. ના માર્ગદર્શન હેઠળ કરવામાં આવ્યું હતું અને આ કાર્યક્રમ સફળ બનાવવા માટે શિક્ષકો દ્વારા જહેમત ઉઠાવવામાં આવી હતી