વાંકાનેરના નાગલપર ગામે સરકારી શાળામાં ટ્વિનિગ પાર્ટનરશીપ કાર્યક્રમ યોજાયો
Morbi Today
મોરબીના નવલખી રોડેથી ચોરાઉ બાઇક સાથે આરોપીની ધરપકડ
SHARE
JOIN OUR GROUP
મોરબીના નવલખી રોડેથી ચોરાઉ બાઇક સાથે આરોપીની ધરપકડ
મોરબીના જુના બસ સ્ટેશનમાં આવેલા પાર્કિંગમાં પાર્ક કરેલા બાઈકની ચોરી કરવામાં આવી હતી જેથી કરીને ભોગ બનેલા વ્યક્તિ દ્વારા હાલમાં મોરબી એ ડિવિઝન પોલીસ સ્ટેશન ખાતે બાઇક ચોરીની ફરિયાદ નોંધાવવામાં આવી હતી દરમિયાન મોરબીના નવલખી રોડ ઉપર આવેલ કુબેરનગર પાસેથી શંકાસ્પદ હાલતમાં નીકળેલ શખ્સને રોકીને પોલીસ દ્વારા ચેક કરવામાં આવતા તેની પાસેથી ચોરાઉ બાઇક મળી આવતા પોલીસે બાઈક સાથે તેની ધરપકડ કરી હતી અને આગળની રાબેતા મુજબની કાર્યવાહી હાથ ધરી છે
જાણવા મળતી માહિતી મુજબ મોરબી શહેરના સામાકાંઠા વિસ્તારમાં આવેલ સર્કિટ હાઉસ સામેના ભાગમાં હરીપાર્ક સોસાયટીમાં રહેતા અમિતભાઈ ચંદુભાઈ ટાંક જાતે કડિયા કુંભારએ હાલમાં મોરબી એ ડિવિઝન પોલીસ સ્ટેશન ખાતે પ્રકાશભાઈ ચંદુભાઈ નગુવાડીયા રહે. ચીખલી માળીયા વાળાની સામે ચોરીની ફરિયાદ નોંધાવેલ છે જેમાં તેને જણાવ્યું છે કે ગત તા. ૨૮/૧/૨૦૨૪ ના સવારના ૯:૩૦ થી રાતના ૮:૦૦ વાગ્યા સુધીના સમયગાળા દરમિયાન તેણે પોતાનું બાઈક મોરબીના જુના બસ સ્ટેશનમાં આવેલ પાર્કિંગમાં મૂક્યું હતું જે બાઈક નંબર જીજે ૨ બીજે ૮૩૪૬ જેની કિંમત ૨૫ હજાર રૂપિયા છે તે બાઇકની ચોરી કરવામાં આવી હતી જેથી ચોરીની ફરિયાદ આધારે તપાસ ચાલી રહી હતી તેવામાં મોરબી એ ડિવિઝનની ટીમે નવલખી રોડ ઉપર આવેલ કુબેરનગરના નાલા પાસેથી પસાર થતા શંકાસ્પદ વાહન ચાલકને રોકીને તેની પાસે રહેલા વાહનોના કાગળ માંગ્યા હતા ત્યારે તેની પાસેથી સંતોષકારક જવાબ મળ્યો ન હતો જેથી કરીને પોલીસે વધુ પૂછપરછ કરતા તેને આ બાઈક જુના બસ સ્ટેશનના પાર્કિંગમાંથી ચોરી કરી હોવાનું સામે આવ્યું હતું જેથી કરીને પોલીસે પ્રકાશભાઈ ચંદુભાઈ નગુવાડીયા (૩૩) રહે ચીખલી તાલુકો માળીયા વાળાની ધરપકડ કરેલ છે અને વધુમાં પોલીસ પાસેથી મળતી વિગત પ્રમાણે જુગાર, મારામારી, ચોરી અને દારૂ વિગેરે ગુના આ શખ્સ સામે અગાઉ મોરબી એ ડિવિઝન પોલીસ સ્ટેશન ખાતે નોંધાયેલ છે
