મોરબીના લીલાપર રોડે કારમાથી ૩૬ બિયર સાથે એક શખ્સ ઝડપાયો
SHARE
JOIN OUR GROUP
મોરબીના લીલાપર રોડે કારમાથી ૩૬ બિયર સાથે એક શખ્સ ઝડપાયો
મોરબીના લીલાપર રોડ પર આવેલ પાંજરાપોળ પાસેથી પસાર થતી કારને રોકીને એ ડિવિઝન પોલીસ ની ટીમ દ્વારા કારની તલાસી લેવામાં આવતા કારમાંથી ૩૬ બિયર મળી આવ્યા હતા જેથી કરીને પોલીસે બિયર સહિતના મુદ્દામાલને કબજે કરીને હાલમાં એક શખ્સની ધરપકડ કરે છે અને તેની પાસે બિયરનો જથ્થો ક્યાંથી આવ્યો હતો તેમજ તે બિયર કોને આપવા માટે જતો હતો તે દિશામાં તપાસ શરૂ કરવામાં આવી છે.
બનાવની જાણવા મળતી વિગત મુજબ મોરબીના લીલાપર રોડ પર આવેલ પાંજરાપોળ પાસેથી પસાર થતી સ્વીફ્ટ કારને રોકીને પોલીસે તેની તલાશી લેતા કારમાંથી બીયરના ૩૬ ટીન મળી આવ્યા હતા જેથી કરીને પોલીસે ૩૬૦૦ રૂપિયાની કિંમતના બિયર સહિતના મુદ્દામાલને કબજે કર્યો હતો અને રવિભાઈ રાજુભાઈ જીલરીયા જાતે બોરીચા ૨૬ રહે. સનાળા બાઇપાસ તુલસી પાર્ક મેઇન રોડ વાળાની ધરપકડ કરેલ છે અને તેની પાસે આ બીયરના ટીન ક્યાંથી આવ્યા હતા અને કોને આપવાનો હતો તે દિશામાં પોલીસે તપાસ હાથ ધરી છે.
બાઇક ચોરી
મોરબી લીલાપર ચોકડી પાસે આવેલી ડીલક્સ પાન નામની દુકાન પાસે મોરબીના રબારીવાસ શેરી નંબર-૧ ની અંદર રહેતા વિજયભાઈ જીવણભાઈ કરોત્રા જાતે રબારી (ઉમર ૩૦) એ પોતાનુ બાઇક નંબર જીજે ૩૬ એબી ૮૯૧૦ પાર્ક કરીને મૂક્યું હતું જે બાઇકને કોઈ અજાણ્યો શખ્સ ચોરી કરી ગયેલ છે માટે હાલમાં ૩૦ હજાર રૂપિયાની કિંમતના બાઇકની ચોરી કરવામાં આવી હોવાની વિજયભાઈએ મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે બાઈક ચોરીની ફરિયાદ લઈને આગળ રાબેતા મુજબની કાર્યવાહી હાથ ધરી છે.
