વાંકાનેર-મોરબીમાં દારૂની બે રેડ: આઠ બોટલ દારૂ સાથે બે શખ્સ પકડાયા

વાંકાનેર શહેરના મિલ પ્લોટ વિસ્તારમાં તેમજ મોરબીમાં વાવડી રોડ ઉપર દારૂની જુદી જુદી બે રેડ કરવામાં આવી હતી ત્યારે કુલ મળીને આઠ બોટલો સાથે પોલીસ દ્વારા બે આરોપીઓની ધરપકડ કરવામાં આવી છે અને આ શખ્સો ની સામે સ્થાનિક પોલીસ સ્ટેશનમાં ગુના નોંધવામાં આવ્યા છે તેમજ આ શખ્સો પાસેથી મળી આવેલ દારૂની બોટલો તે ક્યાંથી લાવ્યા હતા તે દિશામાં હવે સ્થાનિક પોલીસે આગળની તપાસ શરૂ કરી છે

જાણવા મળતી માહિતી મુજબ વાંકાનેરના મિલ પ્લોટ ચોક રેલવે સ્ટેશન રોડ ઉપરથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તે શખ્સ પાસેથી દારૂની છ બોટલો મળી આવતા પોલીસે ૨૨૫૦ રૂપિયાની કિંમતની દારૂની બોટલો કબજે કરી હતી અને આરોપી અશોકભાઈ હેમુભાઇ ચૌહાણ જાતે રાજપૂત (૪૬) રહે. મિલ પ્લોટ અમરપરા શેરી નં-૧ વાંકાનેર વાળાની ધરપકડ કરેલ છે અને વાંકાનેર સિટી પોલીસ સ્ટેશન ખાતે તેની સામે ગુનો નોંધી આગળની કાર્યવાહી હાથ ધરી છે આ શખ્સ પાસેથી મળી આવેલ દારૂની બોટલો તે ક્યાંથી લાવ્યો હતો તે દિશામાં પોલીસ દ્વારા આગળની તપાસ શરૂ કરવામાં આવી છે આવી જ રીતે મોરબીની વાવડી ચોકડી પાસેથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દારૂની બે બોટલો મળી આવતા પોલીસે ૭૫૦ ની કિંમતની દારૂની બોટલો કબજે કરી હતી અને આરોપી કૃણાલભાઈ મનોજભાઈ હિરાણી જાતે ભાનુશાળી (૨૦) રહે. નાની વાવડી સાધુ વાસવાણી સોસાયટી મોરબી વાળાની ધરપકડ કરેલ છે અને તેની સામે મોરબી એ ડિવિઝન પોલીસ સ્ટેશન ખાતે ગુનો નોંધી પોલીસે આગળની કાર્યવાહી હાથ ધરી છે અને આ દારૂની બોટલો તે ક્યાંથી લાવ્યો હતો તે દિશામાં પોલીસ દ્વારા આગળની તપાસ શરૂ કરવામાં આવી છે

વધુ દવા પી લીધી

મોરબીના માધાપર વિસ્તારમાં રહેતા સવજીભાઈ મોહનભાઈ ઠોરીયા (૨૮) નામના યુવાને પોતે પોતાના ઘરે હતો ત્યારે માથાના દુખાવાની વધુ પડતી દવાઓ પી જતાં તેને તાત્કાલિક સારવાર માટે મોરબી શહેરમાં આવેલ મંગલમ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવી નોંધ કરીને રાબેતા મુજબની કાર્યવાહી કરી હતી અને આ બનાવની પ્રાથમિક તપાસ વિપુલભાઈ પટેલ દ્વારા કરવામાં આવી હતી