હળવદથી બોરડી જવાના રસ્તે બાઇક આડે ખુટિયો ઉતરતા સર્જાયેલ અકસ્માતમાં ઇજા પામેલા યુવાનનું મોત

હળવદ તાલુકાના ઘનશ્યામગઢ ગામની સીમમાં રહેતો અને મજૂરી કામ કરતો યુવાન બાઇક લઈને હળવદથી બોરડી ગામ તરફ જવાના રસ્તા ઉપરથી પસાર થઈ રહ્યો હતો ત્યારે તેના બાઈકની આડે અચાનક ખુટિયો ઉતરતા તેનું બાઇક ખુટીયા સાથે અથડાયું હતું જેથી અકસ્માતના બનાવમાં યુવાનને માથાના ભાગે ગંભીર ઇજા થઈ હોવાથી તેનું મોત નીપજયું હતું અને અકસ્માત મૃત્યુના આ બનાવની મૃતક યુવાનના પત્નીએ હળવદ તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

મૂળ છોટા ઉદેપુર જિલ્લાના કવાટ તાલુકાના ડુંગરગામના રહેવાસી અને હાલમાં હળવદ તાલુકાના ઘનશ્યામગઢ ગામની સીમમાં કેતનભાઇ માવજીભાઈ સંઘાણીની વાડીએ રહેતા અને મજૂરી કામ કરતા હિન્દુભાઈ પરશુભાઈ રાઠવા જાતે આદિવાસી (૩૨) નામનો યુવાન પોતાનું બાઈક નંબર જીજે ૩૪ એમ ૩૪૨૭ લઈને હળવદથી બોરડી ગામ તરફ જવાના રસ્તા ઉપર પસાર થઈ રહ્યો હતો ત્યારે અચાનક તેના બાઇકની આડે ખૂટીયો ઉતર્યો હતો અને ખુટિયા સાથે બાઈક અથડાતા અકસ્માત થયો હતો અને અકસ્માતના આ બનાવમાં હિન્દુભાઈ રાઠવાને માથાના ભાગે ગંભીર ઇજા થઈ હોવાથી તેનું મોત નીપજયું હતું અને અકસ્માત મૃત્યુના આ બનાવની મૃતક યુવાનના પત્ની ધર્મિષ્ઠાબેન હિન્દુભાઈ રાઠવા જાતે આદિવાસી (૨૯) રહે. હાલ ઘનશ્યામ ગઢ ગામની સીમમાં કેતનભાઇની વાડીએ વાળાએ હળવદ તાલુકા પોલીસને જાણ કરતાં પોલીસે અકસ્માત મૃત્યુના બનાવની નોંધ કરીને આગળની રાબેતા મુજબની કાર્યવાહી હાથ ધરી છે

દવા પી ગઈ

સુરેન્દ્રનગર જિલ્લાના મૂળી તાલુકાના ભેટ ગામે રહેતી આશાબેન વિજયભાઈ ડાભી (૧૮) નામની યુવતી કોઈ કારણોસર દવા પી જતા તેને સારવાર માટે મોરબીમાં આવેલ મંગલમ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની પ્રથમ મોરબી એ ડિવિઝન પોલીસને જાણ કરી હતી જેથી પોલીસે બનાવની નોંધ કરી આગળની કાર્યવાહી હાથ ધરી હતી અને પ્રાથમિક તપાસ વિપુલભાઈ પટેલ દ્વારા કરવામાં આવી હતી જોકે બનાવ મુળી તાલુકા પોલીસ સ્ટેશનની હદમાં બનેલ હતો જેથી કરીને પોલીસે ત્યાં બનાવની જાણ કરેલ છે