મોરબીમાં મહારાણા પ્રતાપ સોસાયટી-મકરાણીવાસમાં જુગારની બે રેડ: સાત જુગારી પકડાયા

મોરબી શહેરના સામાકાંઠા વિસ્તારમાં મહારાણા પ્રતાપ સોસાયટીમાં કોમ્યુનિટી હોલ પાસે તેમજ મકરાણીવાસમાં રામઘાટ નજીક જુગારની જુદી જુદી બે રેડ કરવામાં આવી હતી તેમાં કુલ મળીને સાત શખ્સો જુગાર રમતા મળી આવ્યા હતા જેથી કરીને પોલીસે તેની પાસેથી ૩૩,૨૩૦ ની રોકડ કબજે કરી હતી અને સ્થાનિક પોલીસ સ્ટેશનમાં જુદા જુદા બે ગુના નોંધીને આગળની કાર્યવાહી હાથ ધરી છે

બનાવી જાણવા મળતી માહિતી મુજબ મોરબીમાં સામાકાંઠા વિસ્તારમાં મહારાણા પ્રતાપ સોસાયટી સર્કિટ હાઉસ પાછળના ભાગમાં આવેલ કોમ્યુનિટી હોલ પાસે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપર જુગાર રમતા પ્રવિણસિંહ હરૂભા વાઘેલા જાતે દરબાર (૫૯) રહે. મહારાણા પ્રતાપ સોસાયટી બ્લોક નં-૧૧ મોરબી, મહિપાલસિંહ ગજેન્દ્રસિંહ જાડેજા જાતે દરબાર (૫૬) રહે. ગુજરાત હાઉસિંગ બોર્ડ સનાળા રોડ મોરબી, બિમલભાઈ ધીરેન્દ્રભાઈ મેઘાણી જાતે વાણીયા (૬૨) રહે. ન્યુ રીલીફ નગર હનુમાન મંદિર પાસે મોરબી અને કમલેશભાઈ મણીલાલ મકવાણા જાતે કંદોઈ વાણીયા (૫૧) રહે. કબીર શેરી નગર દરવાજા પાસે મોરબી વાળા જુગાર રમતા મળી આવ્યા હતા જેથી પોલીસે તેની પાસેથી ૨૮,૬૦૦ રૂપિયાની કિંમતની રોકડ કબજે કરી હતી અને મોરબી બી ડિવિઝન પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે

આવી જ રીતે મોરબી શહેરના મકરાણીવાસ વિસ્તારમાં રામઘાટ નજીક મોરબી એ ડિવિઝન પોલીસની ટીમ દ્વારા જુગારની રેડ કરવામાં આવી હતી ત્યારે સ્થળ ઉપરથી જુગાર રમતા આસિફભાઇ રફિકભાઈ મકરાણી જાતે બ્લોચ (૩૪) રહે. રામઘાટ પાસે મકરાણીવાસ મોરબી, કાસમભાઇ દિલાવરભાઈ પઠાણ જાતે સિપાહી (૨૭) રહે. મકરાણીવાસ મોરબી અને કૈલાસગીરી મોહનગીરી ગોસ્વામી જાતે બાવાજી (૪૫) રહે. મકરાણીવાસ રામઘાટ પાસે મોરબી વાળા જુગાર રમતા મળી આવ્યા હતા જેથી પોલીસે તેની પાસેથી ૪૬૩૦ ની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે આગળની કાર્યવાહી હાથ ધરી છે