મોરબીની બક્ષી શેરીમાં ફઈબાના ઘર પાસે શેરીમાં ઊભા ફોન ઉપર વાત કરતાં ભત્રીજાને ત્રણ શખ્સોએ માર માર્યો
Morbi Today
વાંકાનેર બાઉન્ટ્રી પાસેથી ૨૬૦૮ બોટલ દારૂ-૪૫૬૦ બિયરના ટીન સાથે એકની ધરપકડ: ૨૪ લાખનો મુદામાલ કબ્જે
SHARE
JOIN OUR GROUP
વાંકાનેર બાઉન્ટ્રી પાસેથી ૨૬૦૮ બોટલ દારૂ-૪૫૬૦ બિયરના ટીન સાથે એકની ધરપકડ: ૨૪ લાખનો મુદામાલ કબ્જે
મોરબી જિલ્લા એલસીબીની ટીમે વાંકાનેર બાઉન્ટ્રી પાસે આવેલ ડ્રાઇવર વિજય હોટલ પાસે રોડ ઉપર પેટ્રોલીંગમાં હતી ત્યારે ત્યાંથી પસાર થઈ રહેલ આઇસર ગાડી રોકીને ચેક કરી હતી ત્યારે તેમાંથી વિદેશી દારૂ અને બીયરનો જથ્થો મળી આવ્યો હતો જેથી કરીને પોલીસે ૨૬૦૮ બોટલ દારૂ તેમજ ૪૫૬૦ બિયરના ટીન અને વાહન, મોબાઈલ તેમજ રોકડ રૂપિયા મળીને કુલ ૨૪,૦૨,૩૦૦ ના મુદામાલ સાથે હાલમાં પોલીસે એક આરોપીની ધરપકડ કરેલ છે અને માલ મોકલાવનાર તેમજ મંગાવનાર સહિત ત્રણ શખ્સોની સામે વાંકાનેર તાલુકા પોલીસ સ્ટેશન ખાતે ગુનો નોંધીને પોલીસે આગળની કાર્યવાહી કરેલ છે
લોકસભાની ચૂંટણી જાહેર થઈ ગઈ છે અને આગામી સાતમી મે ના રોજ લોકસભાની ગુજરાતની 26 બેઠકો માટે મતદાન થવાનું છે ત્યારે ચૂંટણીમાં દારૂની હેરાફેરી રોકવા માટે થઈને પોલીસ દ્વારા સઘન ચેકિંગ અને પેટ્રોલિંગ કરવામાં આવી રહ્યું છે તેવામાં મોરબી જિલ્લા એલસીબીની ટીમ વાંકાનેર બાઉન્ડ્રી પાસે પેટ્રોલિંગમાં હતી ત્યારે સુરેશભાઇ હુંબલ, વિક્રમભાઇ કુગશીયાને મળેલ હકિકત આધારે અમદાવાદ તરફથી આઇસર નં જીજે ૧૫ એએક્સ ૦૧૯૪ રાજકોટ તરફ જતું હતું ત્યારે વાંકાનેર બાઉન્ટ્રી નજીક આવેલ ડ્રાઇવર વિજય હોટલ સામે મળેલ બાતમી વાળું આઇસર આવતાની સાથે જ તેને રોકીને ચેક કરવામાં આવ્યું હતું ત્યારે તેમાંથી જુદીજુદી બ્રાન્ડની ૨૬૦૮ બોટલ દારૂ અને જુદીજુદી બ્રાન્ડના ૪૫૬૦ બીયરના ટીન મળી આવ્યા હતા જેથી પોલીસે દારૂ અને બીયર તેમજ ૧૦,૦૦,૦૦૦ નું આઇસર, ૫૦૦૦ નો એક મોબાઈલ અને રોકડા ૬૫૦૦ આમ કુલ મળીને ૨૪,૦૨,૩૦૦નો મુદામાલ કબ્જે કરેલ છે અને હાલમાં આરોપી સુભાષસીંગ કેદારસીંગ સીંગ જાતે રાજપુત (૩૪) રહે. મેનીજોર પોસ્ટ ગાદી વીશનપુર થાણા બૈરા જીલ્લો જમુઇ બિહાર વાળાની ધરપકડ કરેલ છે અને તેની પાસેથી હેમંતભાઇ પટેલ રહે. દમણ વાળાનું નામ સામે આવેલ છે જેથી કરીને પોલીસે માલ મોકલાવનાર અને માલ મંગાવનાર સહિતનાઓની સામે વાંકાનેર તાલુકા પોલીસ સ્ટેશને ખાતે ગુનો નોંધીને બીજા આરોપીઓને પકડવા માટે ચક્રોગતિમાન કરેલ છે આ કામગીરી એલસીબીના ઇન્ચાર્જ પીઆઇ એમ.પી. પંડયાની સૂચના મુજબ પીએસઆઈ કે.એચ. ભોચીયા સહિતના સ્ટાફ દ્વારા કરવામાં આવી હતી
