વાંકાનેરના માટેલ રોડે કારખાના સામે ખુલ્લા પટમાંથી યુવાનનો મૃતદેહ મળ્યો: વીસેરા લેવાયા
હળવદમાં જૂની અદાવતનો ખાર રાખીને યુવાન ઉપર લાકડી-પાઇપ વડે બે શખ્સનો હુમલો
SHARE
હળવદમાં જૂની અદાવતનો ખાર રાખીને યુવાન ઉપર લાકડી-પાઇપ વડે બે શખ્સનો હુમલો
હળવદના સુનિલનગર વિસ્તારમાં રહેતો યુવાન ભવાનીનગર ઢોરો વિસ્તારમાં વજન કાંટો લેવા માટે રહ્યો હતો ત્યારે બે શખ્સોએ જૂની અદાવતનો ખાર રાખીને તેના ઉપર પાઇપ અને ધોકા વડે હુમલો કર્યો હતો અને તેને માથાના ભાગે માર મારતા માથામાં ફૂટ થઈ હતી અને શરીરને ઇજા થઈ હતી તેમજ ભોગા બનેલા યુવાનને ગાળો આપવામાં આવી હતી જેથી ઇજા પામેલા યુવાને સારવાર લીધા બાદ તેની પત્નીએ નોંધાવેલ ફરિયાદ આધારે પોલીસે બે શખ્સોની સામે ગુનો નોંધી આરોપીઓને પકડવા માટે ચક્રોગતિમાન કરેલ છે
બનાવની જાણવા મળતી વિગત પ્રમાણે હળવદના સુનિલનગર વિસ્તારમાં રહેતા અને ફ્રુટનો વેપાર કરતાં ચંદ્રિકાબેન મુકેશભાઈ કુરિયા જાતે પ્રજાપતિ (૪૦) નામના મહિલાએ હાલમાં હળવદ તાલુકા પોલીસ સ્ટેશન ખાતે અજય જીવરાજભાઈ કુંઢીયા અને ગગજી જીવરાજભાઈ કુંઢીયા રહે બંને ભવાનીનગર ઢોરો હળવદ વાળાની સામે ફરિયાદ નોંધાવી છે જેમાં તેને જણાવ્યું છે કે તેના પતિ મુકેશભાઈ કુરિયા સાથે જૂની બાબતનો ખાર રાખીને મુકેશભાઈ ભવાનીનગર ઢોરો વિસ્તારમાં રાજુભાઈ નગીનભાઈના ઘર પાસેથી પસાર થઈને રાજુભાઈના ઘરે વજન કાંટો લેવા માટે જતા હતા ત્યારે અજયએ પાઇપ વડે તથા ગગજીએ લાકડાના ધોકા વડે તેના ઉપર હુમલો કર્યો હતો અને તેને માથાના ભાગે માર માર્યો હતો જેથી કરીને ભોગ બનેલા મુકેશભાઈને માથામાં ફૂટ થઈ ગઈ હોવાથી તેને સારવાર માટે હોસ્પિટલ લઈ ગયા હતા અને સારવાર લીધા બાદ હાલમાં ભોગ બનેલા યુવાનના પત્નીએ નોંધાવેલ ફરિયાદ આધારે પોલીસે બે શખ્સોની સામે ગુનો નોંધીને બંને આરોપીઓને પકડવા માટે ચક્રોગતિમાન કર્યા છે
વૃદ્ધ સારવારમાં
મોરબીમાં રહેતા વખસી દલસી વાઘેલા (૭૦) નામના વૃદ્ધ મોરબીના મયુર પુલ નીચેના ભાગમાંથી નદીના પટમાં પસાર થઈ રહ્યા હતા ત્યારે કોઈ અજાણ્યા વાહન ચાલાકે તેને ઠોકર મારતા અકસ્માત થયો હતો અને અકસ્માતના બનાવમાં વૃદ્ધને ઈજા થઇ હતી અને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરીને આગળની કાર્યવાહી હાથ ધરી છે અને બનાવની પ્રાથમિક તપાસ જે.જે. ડાંગર દ્વારા કરવામાં આવેલ છે