ટંકારાના કોલસા ચોરીના ગુનામાં બે વર્ષ ફરાર આરોપી પકડાયો

ટંકારા પોલીસ સ્ટેશનના કોલસા ચોરીના ગુનામાં છેલ્લા ૨ વર્ષથી નાસતા ફરતા આરોપીને મોરબી જિલ્લા એલસીબીની ટીમે ઝડપી લીધેલ છે અને આરોપીને હાલમાં ટંકારા તાલુકા પોલીસને હવાલે કરવામાં આવેલ છે

મોરબી જિલ્લા પેરોલ ફર્લો સ્કવોડના વિક્રમસિંહ બોરાણા તથા ભગીરથસિંહ ઝાલાને ખાનગી રાહે મળેલ આધારે મોરબી જિલ્લાના ટંકારા પોલીસ સ્ટેશનમાં આઇ.પી.સી. કલમ ૪૦૭, ૪૧૧, ૧૨૦ બી, મુજબના ગુનામાં નાસતા ફરતા આરોપી મોહનભાઇ ઉર્ફે મનારામ ચેનારામ જાટ જાતે મારવાડી ઉ.૨૭ રહે. ધાકન્યા દાના તા.સેવો જી. બાડમેર રાજસ્થાન વાળાને માળીયાની ભીમસર ચોકડી પાસેથી ઝડપી લેવામાં આવેલ છે અને આગળની કાર્યવાહી અર્થે ટંકારા પોલીસ સ્ટેશનને સોપી આપેલ છે