મોરબી: વતનમાં ભાઈ સાથે થયેલ ઝઘડાનું લાગી આવતા યુવાને અણધાર્યું પગલું ભર્યું
Morbi Today
મોરબીમાંથી બે બોટલ દારૂ સાથે એકની ધરપકડ: પ્રધાનમંત્રી આવાસના ગ્રાઉન્ડમાં જુગાર રમતા બે પકડાયા
SHARE
JOIN OUR GROUP
મોરબીમાંથી બે બોટલ દારૂ સાથે એકની ધરપકડ: પ્રધાનમંત્રી આવાસના ગ્રાઉન્ડમાં જુગાર રમતા બે પકડાયા
મોરબીના મહેન્દ્રનગર રોડે કુળદેવી પાન સામેથી પસાર થતા એકટીવાને રોકીને પોલીસ દ્વારા ચેક કરવામાં આવ્યું હતું ત્યારે તેમાંથી બે બોટલ દારૂ મળી આવતા પોલીસે આરોપીની ધરપકડ કરેલ છે આવી જ રીતે હળવદના કોયબા ગામના પાદરમાંથી દારૂની નાની એક બોટલ સાથે એક આરોપીની ધરપકડ કરવામાં આવેલ છે
જાણવા મળતી માહિતી મુજબ મોરબીમાં સામાકાંઠે મહેન્દ્રનગર રોડ ઉપર આવેલ કુળદેવી પાન સામેથી પસાર થતા એકટીવાને રોકીને પોલીસ દ્વારા ચેક કરવામાં આવ્યું હતું ત્યારે તેમાંથી દારૂની બે બોટલો મળી આવતા પોલીસે ૬૦૦ રૂપિયાની કિંમતની દારૂની બે બોટલ તથા ૩૫,૦૦૦ ની કિંમતનું એક્ટિવા આમ કુલ મળીને ૩૫,૬૦૦ ના મુદ્દામાલ સાથે મયુરભાઈ રમેશભાઈ પરમાર (૨૨) રહે. પ્રેમજીનગર મોટા મંદિરની બાજુમાં તાલુકો મોરબી વાળાની ધરપકડ કરી હતી અને તેની સામે બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
એક બોટલ દારૂ
હળવદ તાલુકાના કોયબા ગામના પાદરમાંથી પસાર થઈ રહેલા શખ્સના બાઈક જીજે ૧૩ એજી ૦૩૫૫ ને રોકીને પોલીસ દ્વારા ચેક કરવામાં આવ્યું હતું ત્યારે તેની પાસેથી દારૂની એક નાની બોટલ મળી આવી હતી જેથી પોલીસે ૧૦૦ રૂપિયાની કિંમતની દારૂની બોટલ તથા ૨૦,૦૦૦ રૂપિયાની કિંમતનું બાઈક આમ કુલ મળીને ૨૦,૧૦૦ નો મુદ્દામાલ કબજે કર્યો હતો અને આરોપી કાળુભાઈ હઠીસંગભાઈ જાદવ જાતે કારડીયા રાજપુત (૩૦) રહે કોયબા તાલુકો હળવદ વાળાની ધરપકડ કરી તેની સામે ગુનો નોંધી આગળની કાર્યવાહી હાથ ધરી છે
જુગાર રમતા પકડાયા
મોરબીમાં આવેલ પ્રધાનમંત્રી આવાસ યોજનાના ગ્રાઉન્ડમાં જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી સાજીદભાઈ દોસમામદભાઈ જામ જાતે મિયાણા (૨૦) રહે. સાયન્ટિફિક વાળી રોડ શિવ સોસાયટી નર્મદા હોલ પાસે મોરબી અને નિલેશભાઈ જયંતીભાઈ દેલવાણીયા જાતે દેવીપુજક (૧૯) રહે. દલવાડી સર્કલ પાસે પચ્ચીસ વારીયા મોરબી વાળા જુગાર રમતા મળી આવ્યા હતા જેથી કરીને પોલીસે તે બંને શખ્સની પાસેથી ૯૮૦ રૂપિયાની રોકડ કબજે કરી હતી અને તેની સામે મોરબી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધીને આગળની કાર્યવાહી હાથ ધરી છે
