મોરબીમાં પોલીસની ધાક સામે સવાલ :ગ્રાહકની ઇકો ગાડી હટાવવા બાબતે માથાકૂટ કરીને વેપારી, તેના ભાઈ અને દીકરા ઉપર છ શખ્સોનો છરી, પાઇપ, ધારિયા વડે હુમલો
SHARE
JOIN OUR GROUP
મોરબીમાં પોલીસની ધાક સામે સવાલ :ગ્રાહકની ઇકો ગાડી હટાવવા બાબતે માથાકૂટ કરીને વેપારી, તેના ભાઈ અને દીકરા ઉપર છ શખ્સોનો છરી, પાઇપ, ધારિયા વડે હુમલો
મોરબીમાં આવેલ પોસ્ટ ઓફિસની પાછળના ભાગમાં બુઢાબાવાની લાઈનમાં દુકાન પાસે ગ્રાહકની ઇકો ગાડી પાર્ક કરેલ હતી જે હટાવી લેવા માટે બોલાચાલી કરી હતી ત્યારબાદ વેપારીની દુકાને હુમલો કરવામાં આવ્યો હતો ત્યારે વેપારીને માથામાં ઊંધી છરીના બેથી ત્રણ ઘા માર્યા હતા અને પાઇપ વડે જમણા પગના સાથળના ભાગે માર મારીને ઇજા કરી હતી તેમજ ફરિયાદીના દીકરાને હાથમાં અંગૂઠે એક શખ્સે બચકું ભરી લીધું હતું અને પાઇપ વડે માર મારીને ઇજા કરેલ હતી તેમજ વેપારીના ભાઈને પણ પાઇપ અને ધારિયા વડે માર મારીને ઇજા કરી હતી જેથી સારવાર લીધા બાદ વેપારીએ હાલમાં છ શખ્સોની સામે ફરિયાદ નોંધાવી છે.
બનાવની જાણવા મળતી માહિતી મુજબ મોરબીના નાગર પ્લોટ શેરી નં-2 માં આવેલ શ્રીરામ પેલેસમાં ત્રીજા માળે બ્લોક નં- 302 માં રહેતા પંકજભાઈ મેઘજીભાઈ પલાણ જાતે લોહાણા (62)એ હાલમાં મોરબી એ ડિવિઝન પોલીસ સ્ટેશન ખાતે ગુલામભાઈ હાજીજુસબભાઈ ખોલેરા રહે. ફૂલ ગલી ખાટકીવાસ મોરબી, ફેજાન ગફારભાઈ ખોલેરા અને તેનો ભાઈ ઈદરીશભાઈ ગફારભાઈ ખોલેરા રહે. બંને કુબેરનાથ મેઇન રોડ ગ્રીન ચોક પાસે મોરબી, કૃણાલ રમેશભાઈ કૈલા રહે. મોચી શેરી ગ્રીન ચોક પાસે મોરબી, ઇમરાન ગુલામભાઈ ખોલેરા રહે. ફૂલ ગલી ખાટકીવાસ પાસે મોરબી અને નાઝીર ઈસુભાઈ દેવલિયા રહે. લુહાર શેરી મેમણ કોલોની પાસે મોરબી વાળાની સામે ફરિયાદ નોંધાવેલ છે જેમાં તેણે જણાવ્યું છે કે, મોરબીમાં આવેલ મેઇન પોસ્ટ ઓફિસની પાછળના ભાગમાં બુઢાબાવાની લાઈનમાં જય એન્ટરપ્રાઇઝ નામની તેઓની દુકાન આવેલ છે.
ત્યાં દુકાને આવેલા ગ્રાહકની ઇકો ગાડી પાર્ક કરેલ હતી. જે હટાવી લેવા બાબતે બોલાચાલીને ઝઘડો કર્યો હતો. ત્યારે કૃણાલ કૈલાએ ફરિયાદીને માથાના ભાગે ઊંધી છરીના હાથના બે થી ત્રણ ઘા માર્યા હતા તેમજ નાઝીર દેવલીયાએ લોખંડના પાઇપ વડે ફરિયાદીને જમણા પગના સાથળના ભાગે માર મારીને ઇજા કરી હતી તથા ઇમરાને ઢીકાપાટુને લાતો વડે માર મારીને ઇજા કરી હતી તો ફરિયાદીના દીકરા વૈભવને આરોપી ફેજાન ખોલેરાએ જમણા હાથના અંગૂઠે બચકું ભરી લીધું હતું અને કૃણાલ કૈલાએ તેને માથાના ભાગે લોખંડના પાઇપ વડે બે થી ત્રણ ઘા મારીને ફેક્ચર જેવી ગંભીર ઈજા કરેલ છે તેમજ ફરિયાદીના ભાઈ મહેન્દ્રભાઈને ફેઝાન ગફારભાઇ ખોલેરાએ લોખંડના પાઇપ અને ધારિયા વડે ડાબા પગની પિંડીના ભાગે માર મારીને ઇજા કરી છે તથા ઇદરીસ ખોલેરાએ મહેન્દ્રભાઈને પીઠના ભાગે લોખંડના પાઇપ વડે માર મારીને અને ગુલામભાઈ ખોલેરાએ ઢીકાપાટુનો માર મારીને ઇજા કરેલ છે જેથી ભોગ બનેલા વેપારીએ નોંધાવેલ ફરિયાદ આધારે હાલમાં પોલીસે છ શખ્સોની સામે નોંધીને આરોપીઓને પકડવા માટે તજવીજ શરૂ કરેલ છે.
છરી વડે ઇજા
મોરબીના ત્રાજપર વિસ્તારમાં તેજાભાઈની દુકાન પાસે એજાજ ઈસ્માઈલભાઈ મોવર (30) રહે, ત્રાજપર વાળાને ડાબા થાપાના ભાગે છરીના ઘા લાગતા ઇજા થઈ હતી જેથી તેને ઇજા પામેલ હાલતમાં સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ જે.જે. ડાંગર દ્વારા કરવામાં આવેલ છે.
