મોરબીમાં ભંગાર રસ્તા બાબતે લોકોમાં પાલિકા સામે ભારે આક્રોશ: મચ્છરની ઉપદ્રવ રોકવાની માંગ
Morbi Today
વાંકાનેરની સ્વપ્નલોક સોસાયટીમાં ઘર પાસે પડેલ ઇનોવા કારમાંથી 156 બોટલ દારૂ સાથે એક આરોપીની ધરપકડ, એકની શોધખોળ
SHARE
JOIN OUR GROUP
વાંકાનેરની સ્વપ્નલોક સોસાયટીમાં ઘર પાસે પડેલ ઇનોવા કારમાંથી 156 બોટલ દારૂ સાથે એક આરોપીની ધરપકડ, એકની શોધખોળ
વાંકાનેર મીલ પ્લોટ ફાટક પાસે સ્વપ્નલોક સોસાયટીમાં ઘર પાસે ઇનોવા કાર પડી હતી જેને ચેક કરી હતી ત્યારે તેમાંથી દારૂની જુદીજુદી બ્રાન્ડની 156 બોટલો મળી આવી હતી જેથી કરીને પોલીસે દારૂ, મોબાઈલ અને કાર મળીને 372400 નો મુદામાલ કબજે કરીને એક આરોપીની ધરપકડ કરેલ છે જો કે, એક શખ્સનું નામ સામે આવ્યું હોય તેને પકડવા માટે તજવીજ ચાલી રહી છે.
મોરબી જિલ્લા એલસીબીના ઇન્ચાર્જ પીઆઇ એમ.પી. પંડયાની સૂચના મુજબ સ્ટાફ કામ કરી રહ્યો છે ત્યારે હીતેન્દ્રસિંહ ચુડાસમા, રામભાઈ મંઢ તથા દશરથસિંહ ચાવડાને સયુંકતમાં ખાનગી રાહે હકિકત મળેલ હતી કે, વાંકાનેર મીલ પ્લોટ ફાટક પાસે સ્વપ્નલોક સોસાયટીમાં રહેતા મુળરાજસિંહ નવલસિંહ ઝાલાએ પોતાના મકાન સામે શેરીમાં ઇનોવા કાર નં. જીજે 3 ઇઆર 6826 વાળીમાં ઇંગ્લીશ દારૂનો જથ્થો રાખ્યો છે અને દારૂની હેરાફેરી કરે છે. જેથી કરીને પોલીસે ત્યાં દારૂની રેડ કરી હતી ત્યારે અલગ અલગ બ્રાન્ડની ઇંગ્લીંશ દારૂની 156 બોટલ ગાડીમાંથી મળી આવી હતી જેથી કરીને પોલીસે 62400 નો દારૂ અને 10 હજારનો મોબાઈલ ફોન તેમ ત્રણ લાખની ગાડી આમ કુલ મળીને 3,72,400 નો મુદામાલ કબજે કરેલ છે અને આરોપી મુળરાજસિંહ નવલસિંહ ઝાલા જાતે દરબાર (42) રહે. હાલ વાંકાનેર મીલ પ્લોટ ફાટક પાસે સ્વપ્નલોક સોસાયટી વાંકાનેર મુળ રહે. વેગડવાવ તાલુકો હળવદ વાળાની ધરપકડ કરેલ છે અને તેની પાસેથી થોભણભાઇ રહે. સુરેન્દ્રનગર વાળાનું નામ સામે આવ્યું છે જેથી પોલીસે બંને સામે વાંકાનેર સિટી પોલીસ સ્ટેશન ખાતે ગુનો નોંધીને આગળની કાર્યવાહી કરેલ છે આ કામગીરી પીઆઇની સૂચના મુજબ પીએસઆઈ કે.એચ.ભોચીયા અને વી.એન.પરમાર તેમજ એલ.સી.બી. અને પેરોલ ફર્લો સ્કવોડની ટીમે કરી હતી
