ટંકારાના મિતાણા ગામે ઘરમાં રસોઈ બાબતે દેકારો કેમ કરો છો કહીને યુવાન અને તેની માતાને માર માર્યો

ટંકારા તાલુકાના મીતાણા ગામે થોડા દિવસો પહેલા ગાળો બોલવા બાબતે માથાકૂટ થયેલ હતી જે બનાવમાં હાલમાં વળતી ફરિયાદ નોંધાયેલ છે જેમાં યુવાનને ઘરમાં રસોઈ બાબતે બોલાચાલી થઈ હતી ત્યારે ત્યાં બાજુમાં રહેતા મહિલા અને તેના દીકરાએ તેઓના ઘરે આવીને તમે કેમ દેખારો કરો છો તેવું કહીને યુવાન તથા તેની માતાને ગાળો આપી હતી અને બંનેને લાકડી વડે માર માર્યો હતો જેથી પોલીસે ગુનો નોંધીને આગળની કાર્યવાહી કરી છે. 

જાણવા મળતી માહિતી મુજબ ત્રણેક દિવસ પહેલા ટંકારા તાલુકાના મીતાણા ગામે શેરીમાં ગાળો બોલવા બાબતે બોલાચાલી અને માથાકૂટ થઈ હતી જે બનાવ સંદર્ભે ફરિયાદ નોંધાવી હતી અને તે બનાવમાં હાલમાં વળતી ફરિયાદ નોંધાય છે જેમાં શૈલેષભાઈ નથુભાઈ પારઘી (45) એ ટંકારા તાલુકા પોલીસ સ્ટેશન ખાતે કેસરબેન ધનજીભાઈ પારઘી અને કેશરબેનના દીકરા યોગેશ રહે. બંને મીતાણા વાળાની સામે ફરિયાદ નોંધાવેલ છે જેમાં જણાવ્યું છે કે, ફરિયાદી યુવાન તેના ઘરમાં રસોઈ બાબતે બોલાચાલી કરતો હતો ત્યારે આરોપી મહિલાએ ત્યાં આવીને “તમો કેમ દેકારો કરો છો ?” તેમ કહીને ફરિયાદી તથા તેના માતાને ગાળો આપી હતી અને અત્યારે કેસરબેને ફરિયાદીની માતાને માથામાં અને ડાબા હાથે લાકડી મારી હતી જેથી ફરિયાદીની માતાને માથામાંથી લોહી નીકળવા લાગ્યું હતું અને કેસરબેનના દીકરાએ ફરિયાદીને પીઠમાં તથા જમણા હાથ અને પગે લાકડી વડે માર માર્યો હતો. જેથી બીજા પામેલ હાલતમાં ફરીયાદીની માતાને મોરબીની સરકારી હોસ્પિટલ ખાતે સારવાર માટે લઈને આવ્યા હતા અને ત્યારબાદ હાલમાં તેણે ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે આ બનાવમાં આગળની કાર્યવાહી હાથ ધરી છે.