મોરબી જિલ્લા અને તાલુકા સેવા સદનમાં ચેકિંગ: 18 અધિકારી-કર્મચારી ગેરહાજર !
Morbi Today
વાંકાનેર નગરપાલિકાનું જન્માષ્ટમી મેળાનું ગ્રાઉન્ડ 18 લાખમાં અપાયું
SHARE
JOIN OUR GROUP
વાંકાનેર નગરપાલિકાનું જન્માષ્ટમી મેળાનું ગ્રાઉન્ડ 18 લાખમાં અપાયું
વાંકાનેરમાં છેલ્લા વર્ષોથી જન્માષ્ટમીના મેળા માટેનું મેદાન હરાજી કરીને આપવામાં આવે છે તેવી જ રીતે આજે મેળાના મેદાનની વાંકાનેર પાલિકા કચેરી ખાતે જાહેરમાં હરાજી રાખવામા આવી હતી જેમાં કુલ સાત પાર્ટીઓ દ્વારા ભાગ લેવામાં આવ્યો હતો. અને હરાજીના અંતે લોકમેળા માટેનું મેદાન 18 લાખમાં જય ગોપાલ ટ્રેડિંગને આપવામાં આવેલ છે.
વાંકાનેર પાલિકા કચેરી ખાતે આજે ચીફ ઓફિસર ગીરીશ સરૈયા તથા વહીવટદાર અને મામલતદાર યુ.વી. કાનાણીની હાજરીમાં મેળાના મેદાન માટેની હરાજી કરવામાં આવી હતી ત્યારે કુલ મળીને સાત પાર્ટીઓએ ભાગ લીધેલ હતો. અને 3.10 લાખની બેઝ પ્રાઇઝથી મેળાના મેદાનની હરાજી શરૂ કરવામાં આવી હતી. જેમાં પ્રથમ બોલી ગ્લોબલ ડેવલપમેન્ટ દ્વારા 3.25 લાખ, બીજી બોલી અમરનાથ ટ્રેડર્સ દ્વારા 3.50 લાખ અને ત્રીજી બોલી જય ગોપાલ ટ્રેડિંગ દ્વારા 18 લાખની બોલવામાં આવી હતી અને સૌથી ઊંચી બોલી જય ગોપાલ ટ્રેડિંગ દ્વારા લગાવવામાં આવતા મેળા માટેનું મેદાન પાલિકા દ્વારા જય ગોપાલ ટ્રેડિંગને આપવામાં આવ્યું છે. અત્રે ઉલ્લેખનીય છે કે, આ મેદાન માટે બોલી લગાવનાર દાવેદાર દ્વારા પાલિકામાં બોલીની રકમ જમા કરાવવામાં નહીં આવે તો, તેને રદ કરી તેનાથી નીચે બોલી લગાવનારને આ ગ્રાઉન્ડ આપવામાં આવશે તેવું અધિકારીએ જણાવ્યુ છે.
