હળવદ, મોરબી અને વાંકાનેરમાં જુગારની ત્રણ રેડ: 11 શખ્સ પકડાયા, નાસી ગયેલ 4 શખ્સની શોધખોળ

હળવદ તાલુકાના ટીકર, મોરબીના લાયન્સનગર અને વાંકાનેરના રાજાવડલા પાસે જુગારની ત્રણ રેડ કરી હતી ત્યારે કુલ મળીને 11 શખ્સો જુગાર રમતા પકડાયા હતા જો કે, હળવદના ટીકરમાં રે કરી ત્યારે પોલીસને જોઈને ચાર શખ્સ નાસી ગયા હતા જેથી તેને પકડવા માટે પોલીસે તજવીજ શરૂ કરી છે

હળવદ તાલુકાના ટીકર ગામની સીમમાં સાર્દુલભાઈ રઘુભાઈ કોળી નામનો શખ્સ ચકલા પોપટનો જુગાર રમાડતો હોવા અંગેની હકીકત મળી હતી જેના આધારે પોલીસે ત્યાં જુવારની રેડ કરી હતી ત્યારે સ્થળ ઉપર જુગાર રમી રહેલા શખ્સોમાં નાસભાગ મચી ગઈ હતી અને પોલીસને જોઈને ચાર શખ્સો નાસી ગયા હતા જોકે પોલીસે સ્થળ ઉપરથી યોગેશભાઈ ધનજીભાઈ ચાવડા રહે. ટીકર વાળાની 6,600 ની રોકડ સાથે ધરપકડ કરી છે. અને સ્થળ ઉપરથી નાસી ગયેલા ચાર શખ્સોમાં દિનેશભાઈ ગાંડુભાઇ પરમાર, વિપુલભાઈ ગોરધનભાઈ રાણીવાડીયા, મેહુલભાઈ લાભુભાઈ કોળી અને  સાર્દુલભાઈ રઘુભાઈ કોળી રહે. બધા ટીકર વાળાનો સમાવેશ થાય છે આ પાંચેયની સામે હળવદ તાલુકા પોલીસ સ્ટેશન ખાતે જુગારધારા હેઠળ ગુનો નોંધીને નાસી ગયેલા ચાર શખ્સોને પકડવા માટે પોલીસે તજવીજ શરૂ કરી છે

મોરબીના લાયન્સનગર વિસ્તારમાં મંદિરની પાછળના ભાગમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી તેના સ્થળ ઉપરથી રાજેશભાઈ મનજીભાઈ ચાવડા, ગૌતમભાઈ અમૃતભાઈ સોલંકી, અશોકભાઈ ડાયાભાઈ ધંધુકિયા, ભરતભાઈ ગીરીશભાઈ ચૌહાણ અને કમલેશભાઈ પમાભાઈ સોલંકી રહે. બધા વિજયનગર વાળા જુગાર રમતા મળી આવ્યા હતા જેથી પોલીસે તેની પાસેથી 3,620 ની રોકડ કબજે કરી હતી અને મોરબી બી ડિવિઝન પોલીસ સ્ટેશન ખાતે ગુનો નોંધવામાં આવેલ છે

વાંકાનેર નજીક રાજાવડલા થી અમરસર ગામ તરફ જવાના કાચા રસ્તા ઉપર નાલા પાસે જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી અને ત્યારે સ્થળ ઉપરથી જુગાર રમતા સુરેશભાઈ શીવાભાઈ અબાસણીયા, મનસુખભાઈ શીવાભાઈ અબાસણીયા, કાળુભાઈ છગનભાઈ માણસુરીયા, કેશુભાઈ છગનભાઈ દેત્રોજા અને જયંતીભાઈ થોભણભાઈ બાબરીયા રહે બધા વાંકાનેર વાળા જુગાર રમતા મળી આવ્યા હતા જેથી કરીને પોલીસે તેની પાસેથી 10,750 ની રોકડ કબજે કરી હતી અને વાંકાનેર સિટી પોલીસ સ્ટેશન ખાતે જુગારધારા હેઠળ ગુનો નોંધીને પોલીસે આગળની કાર્યવાહી હાથ ધરી છે.