માળિયા(મી) નજીકથી ચરસ સાથે અગાઉ પકડાયેલા ૩ આરોપી જેલ હવાલે: વધુ બે આરોપી રિમાન્ડ ઉપર

કચ્છ-મોરબી નેશનલ હાઇવે રોડ ઉપર માળિયાના ત્રણ રસ્તા પુલ ઉતરતા પુલના છેડા પાસેથી કારમાથી ૮૮૦ ગ્રામ ચરસના જથ્થા સાથે ત્રણ આરોપી પકડાયા હતા અને પોલીસે ચરસ, કાર સહિતના ૯.૪૭ લાખના મુદામાલ કબજે કર્યો હતો આ ગુનામાં અગાઉ પકડાયેલા ત્રણ આરોપીઓના રિમાન્ડ પૂરા થતાં તેને જેલ હવાલે કરવામાં આવેલ છે અને વધુ બે આરોપીની પોલીસે ધરપકડ કરીને રિમાન્ડ માટે કોર્ટમાં રજૂ કરતાં કોર્ટે ૩૧ મી સુધીના રિમાન્ડ મંજૂર કરેલ છે

માળિયા (મિ.) કચ્છ-મોરબી નેશનલ હાઇવે રોડ ઉપર માળિયાના ત્રણ રસ્તા પુલ ઉતરતા પુલના છેડા પાસેથી પસર થતી એસક્રોસ કાર નં- જીજે ૧૨ ડીએસ ૨૮૦૪ ને રોકીને પોલીસે તા ૨૪ ની રાતે ચેક કરતાં તે કારમાથી ૮૮૦ ગ્રામ ચરસનો જથ્થો મળી આવ્યો હતો જેથી કરીને પોલીસે કારના મલિક દશરથ દિનેશભાઇ વ્યાસ જાતે બ્રામણ (ઉ-૩૩) રહે.આદીપુર ગુરૂકૃપા સસાયટી મેઘપર કુંભારડી પ્લઠ નં.- ૨૦૪ તાલુકો અંજાર અને કારમાં બેઠેલ વાસુદેવ ઉર્ફે વિવાન વાલજીભાઇ બારોટ(ગઢવી) (ઉ-૨૫) રહે. ડી-૨૨ ઈફ્કો કોલોની ઉદયનગર ગાંધીધામ મુળ ભાભર જીલ્લો બનાસકાંઠા અને શંકર ગોવાભાઇ ગરચર રબારી (ઉ-૨૧) રહે. મીંદીયાળા તાલુકો અંજાર વાળાની ધરપકડ કરી હતી અને તેની પાસેથી ચરસ સહિત કુલ મળીને ૯,૪૭,૨૦૦ નો મુદામાલ કબ્જે કર્યો હતો આ આરોપીના રિમાન્ડ પૂરા થતાં તેને જેલ હવાલે કરવામાં આવેલ છે અને આ ગુનામાં પોલીસે યશ ગોવિંદભાઇ ગઢવી રહે. બ્રમ્હપુરી સોસાયટી માંડવી અને જીવરાજ હરધોળ ગઢવી રહે. ચાગડાઇ તાલુકો માંડવી વાળાની ધરપકડ કરી હતી અને તેને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીઓના તા ૩૧ સુધીના રિમાન્ડ મંજૂર કરેલ છે જો કે, અગાઉ પકડાયેલા આરોપીઓ પાસેથી તેઓ ચરસનો જથ્થો અમદાવાદ આપવા માટે જતાં હોવાનું સામે આવ્યું હતું માટે અમદાવાદમા ચરસ કોને આપવાનું હતું તે દિશામાં પોલીસે તપાસ શરૂ કરેલ છે