મોરબી શકત શનાળા ગામ પાસે વાડીમાંથી ચોરાયેલ બાઈકનો વીમો ચૂકવવા કોર્ટનો આદેશ

મોરબી શકત શનાળાની બાજુમાં ભગતની વાડી માં રહેતા દીલીપભાઇ લાલાજીભાઇ પરમારનુ સ્પેલેન્ડર મોટર સાયકલ ચોરાઇ જતાં એચ.ડી.એફ.સી. એગ્રો જનરલ ઇન્સ્યુરન્સ કંપનીએ વીમો આપવાની ના પાડતા મોરબી ગ્રાહક સુરક્ષાના પ્રમુખ લાલજીભાઇ મહેતા દ્રારા રાજકોટ ગ્રાહક અદાલતમાં કેઇસ દાખલ કરતાં કોર્ટ વીમા કંપનીને ૬૮,૮૦૫ તા. ૨૫/૯/૨૩ થી ૬ ટકાના વ્યાજ અને ૫૦૦૦ પાંચ હજાર ખર્ચના મળી ૭૩,૮૦૫ ચુકવવાનો આદેશ કરેલ છે,

આ કેસની વિગત એવી છે કે, ફરિયાદી દીલીપભાઈનુ મોટર સાયકલ તા.૮/૪/૨૩ નાં રોજ રાત્રે બે થી પાંચ વાગ્યા સુધીમાં તેના ફળીયામાંથી ચોરાઇ ગયેલ હતું તેમનો વીમો એચ.ડી.એફ.સી. એગ્રો જનરલ ઇન્સ્યોરન્સનો હતો અને ફરિયાદીએ તમામ કાગળો રજુ કરેલ હતા પરંતુ સામાન્ય કારણ કે ફરીયાદ મોડી કરી છે તે બાના હેઠળ વીમો આપવાની ના પાડેલ હતી જેથી કોર્ટ કહયુ હતું કે ફરીયાદીની ફરીયાદ પોલીસ સ્ટેશનમાં રૂબરૂ ફરીયાદ કરવા ગયાં હતા અને પોલીસ ખાતામાંથી જણાવે છે કે, તમો આઠ દિવસ થોભી જાવ મળી જશે માટે ફરીયાદીનો કોઇ વાંક ન ગણાય ગ્રાહકે વીમો લીધેલ છે તો વીમો આપવો જોઇએ.