વાંકાનેરના કણકોટ ગામે જાહેરમાંથી દારૂની 224 બોટલ સાથે એક શખ્સ પકડાયો

વાંકાનેરના કણકોટ ગામે દુકાનની પાછળના ભાગમાં એલસીબીની ટીમ દ્વારા દારૂની રેડ કરવામાં આવી હતી ત્યારે સ્થળ ઉપરથી દારૂની નાની અને મોટી કુલ મળીને 224 બોટલો મળી આવી હતી જેથી પોલીસે 40 હજારનો મુદામાલ કબ્જે કરીને એક શખ્સની ધરપકડ કરી હતી અને વાંકાનેર તાલુકા પોલીસ સ્ટેશન ખાતે ગુનો નોંધીને પોલીસે આગળની કાર્યવાહી કરી છે.

મોરબી જિલ્લા એલસીબીની ટીમ પેટ્રોલીંગમાં હતી ત્યારે વાંકાનેરના કણકોટ ગામે સ્મશાનની બાજુમાં ક્રિષ્ના પાન પાર્લરની પાછળ દારૂનો જથ્થો હોવાની બાતમી મળી હતી જેથી પોલીસે ત્યાં જાહેર જગ્યા ઉપર દારૂની રેડ કરી હતી ત્યારે સ્થળ ઉપરથી દારૂની નાની 202 અને મોટી 22 બોટલો મળી આવી હતી જેથી પોલીસે 224 બોટલ દારૂ જેની કિંમત 40,525 નો મુદામાલ કબ્જે કર્યો હતો અને આરોપી અર્જુનસિંહ ગિરિરાજસિંહ ઝાલા (24) રહે. કણકોટ તાલુકો વાંકાનેર વાળાની ધરપકડ કરી હતી અને વાંકાનેર તાલુકા પોલીસ સ્ટેશન ખાતે આરોપી અને મુદામાલ સોંપી દેવામાં આવેલ હતો ત્યાર બાદ પોલીસે તેની સામે ગુનો નોંધીને આગળની કાર્યવાહી કરી હતી આ કામગીરી એલસીબીના ઇન્ચાર્જ પીઆઇ એસ.પી. જાડેજાની સૂચના મુજબ પીએસઆઈ બી.ડી. ભટ્ટ અને વી.જી. માલાણી તેમજ સ્ટાફ દ્વારા કરવામાં આવી હતી.