વાંકાનેરના વાકિયા-3 ગામે જાહેરમાં જુગાર રમતા ત્રણ શખ્સ પકડાયા

વાંકાનેર નજીક વાકિયા-3 ગામે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરતા કુલ મળીને પાંચ શખ્સો જુગાર રમતા મળી આવ્યા હતા જેથી કરીને પોલીસે 13,670 ની રોકડ કબજે કરી હતી અને વાંકાનેર સિટી પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

બનાવની જાણવા મળતી માહિતી મુજબ વાંકાનેરના વાકિયા-3 ખાતે જાહેરમાં જુગાર રમતા હોવા અંગેની હકીકત સ્થાનિક પોલીસને મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા હનીફભાઈ હુસેનભાઇ બાવરા (44), ગુલામમુસ્તુફાભાઈ ઈસ્માઈલભાઈ માથકિયા (40), ઇનાયતભાઈ અબ્દુલભાઈ શેરસિયા (38), ઈસ્માઈલભાઈ રફિકભાઈ શેરસિયા (43) અને યુનુસભાઈ મામદભાઈ શેરસિયા (50) રહે. બધા વાંકીયા-3 વાળા જુગાર રમતા મળી આવ્યા હતા જેથી પોલીસે તેની પાસેથી 13,670 ની રોકડ કબજે કરી હતી અને વાંકાનેર સિટી પોલીસ સ્ટેશન ખાતે જુગારધારા હેઠળ ગુનો નોંધીને આગળની કાર્યવાહી કરી હતી.